ამჟამად თბილისში იმყოფება მსოფლიოს კლასიფიკაციით 85-ე და საქართველოს საუკეთესო ჩოგბურთელი ანა ტატიშვილი. 12 აპრილს მან ლეილა მესხის ჩოგბურთის აკადემიის კორტებზე საჩვენებელი ვარჯიში და, იმ მოზარდებისთვის, რომლებიც 2015 წლის ევროპის ახალგაზრდობის ოლიმპიური ფესტივალისთვის ემზადებიან, მასტერკლასი გამართა.
ღონისძიებას ესწრებოდნენ საქართველოს ჩოგბურთის ფედერაციის პრეზიდენტი ლეილა მესხი და თბილისი 2015-ის სპორტული დირექტორი, სპორტისა და ახალგაზრდობის საქმეთა სამინისტროს აპარატის უფროსი ირაკლი სამყურაშვილი.
თამუნა ყულუმბეგაშვილის ფოტო
ყოველდღიური სპორტული გაზეთი "ლელო"
