მსოფლიოს სპორტული სამყაროს ყურადღება ახლა ლონდონისკენაა მიპყრობილი. ამის მიუხედავად, სხვადასხვა ქვეყნის სპორტულ ბაზებზე მაინც ტარდება შეჯიბრებები. ანკარა ჩოგბურთელ ქალთა 10 000-იან საერთაშორისო ტურნირს მასპინძლობს. თბილისელი ნათია გეგია ძირითად ბადეშია დაშვებული. სტარტზე იგი მე-5 ნომრად განთესილ ესპანელს - ნურია პარას-დიასს დაუპირისპირდება.
ბაბილინა მაჩაიძე და თამარ ჭალაგანიძე ტურნირში საკვალიფიკაციო ეტაპიდან ჩაებნენ. ბაბილინამ პირველ წრეში მასპინძელი აისენურ დურმუსი დაამარცხა - 6:3, 6:2, ხოლო თამარმა, ასევე, თურქ გულ კურტასანს სძლია - 6:0, 6:2.
მეორე წრე ჩვენებურებისთვის, სამწუხაროდ, უიღბლო აღმოჩნდა: თამარ ჭალაგანიძე შვეიცარიელ კორინა ჯაეგერთან
წყვილთა პაექრობის სტარტზე ბაბილინა მაჩაიძე და საკვალიფიკაციოში მის მიერ ძლეული აისენურ დურმუსი თამარ ჭალაგანიძისა და კიმბერლი კასარის (მალტა) დუეტს შეხვდებიან.
(იბეჭდება მცირე ცვლილებით)
ყოველდღიური სპორტული გაზეთი "ლელო"
