მონრეალში (კანადა) ჩოგბურთელ ქალთა საერთაშორისო ტურნირის (Rogers Cup, საპრიზო ფონდი 2 168 400 დოლარი) საკვალიფიკაციო ეტაპზე, როგორც გაუწყეთ, 22 წლის ანა ტატიშვილმა ზედიზედ სძლია მასპინძელ შარონ ფიჩმანსა (7:5, 6:1) და ამერიკელ ეშლი ვეინოლდს (6:0, 6:2), ფინალში კი მსოფლიო კლასიფიკაციით 46-ე ადგილზე მყოფ ურსულა რადვანსკას (პოლონეთი) მოუგო 6:4, 6:0, რითაც ძირითად ბადეშიც გავიდა და სარეიტინგო 30 ქულაც მიითვალა (იღბლიანი წაგებულის სტატუსით ძირითად ბადეში ურსულა რადვანსკაც მოხვდა). ელიტაში გასვლისთვის ანას ერთი ქულაც მიემატება. პირველ წრეში ყაზახეთის სახელით მოასპარეზე კსენია პერვაკის წინააღმდეგობასაც თუ
არადა, ეს ჩოგბურთელი ჩვენებურს შარშან მემფისის ტურნირზე ჰყავს დამარცხებული - 6:3, 6:4.
გერმანიის ქალაქ ჰეჩინგენის ქალთა 25 000-იანი ტურნირის საკვალიფიკაციო ეტაპიდან აიღეს სტარტი ეკატერინე გორგოძემ და სოფიო ქვაცაბაიამ.
პირველ წრეში გორგოძემ რუსი ამინატ კუსკოვა დაამარცხა ორ სეტში - 6:4, 6:2, ქვაცაბაიამ კი უკრაინელ მარიანა ზაკარლიუკს აჯობა - 6:2, 6:2. ძირითად ბადეში გასასვლელად ქვაცაბაიამ გერმანელ ვერენა შმიდს მოუგო - 6:3, 6:3; გორგოძე ასევე ალემან ანა ცაიას უნდა დაპირისპირებოდა, მაგრამ მეტოქე არ გამოუცხადდა.
ძირითად ბადეში ეკატერინე გორგოძე იტალიელ იულა მაირს შეხვდება, ხოლო სოფიო ქვაცაბაია ჩეხ რენატა ვორაჩოვასთან გაარკვევს ურთიერთობას.
გუშინვე გაიმართა წყვილთა პაექრობები. გორგოძემ და ქვაცაბაიამ იოლად სძლიეს იულია ჩუბაროვას (რუსეთი) და ჟილ ნორა ენგელმანის (გერმანია) დუეტს 6:1, 6:0. მეოთხედფინალში პირველ ნომრად განთესილ მერვანა სალკიჩსა (ბოსნია-ჰერცეგოვინა) და სანდრა კლემენშიტსს (ავსტრია) წყვილს შეხვდებიან.
ინტერნაციონალურმა დუეტმა სტარტზე პოლონელებს - კატარზინა კავას და ბარბარა სობასკევიჩს აჯობა - 6:3, 6:1.
თურქეთში ბურსას 10 000-იანი ტურნირის საკვალიფიკაციო ეტაპის სტარტზევე დამარცხდა ბაბილინა მაჩაიძე ინდოელ სმრიტი ჯოონთან - 6:3, 2:6, 3:6, თამარ ჭალაგანიძემ კი მასპინძელ იაგმურ აკდემირს აჯობა - 6:3, 6:2 და ძირითად ბადეში გავიდა, სადაც იაპონელ იიუკი ტანაკას დანებდა - 1:6, 2:6.
წყვილებში ბაბილინა მაჩაიძემ და ესპანელმა ნურია პარისას-დიასმა იაპონელი იოშიმი კავასაკი და ავსტრალიელი ნანა მიიაკავა დაამარცხეს - 2:6, 6:3, 10:6.
თამარ ჭალაგანიძემ და სმრიტი ჯოონმა სოვიანია ბავისეტისა (ინდოეთი) და ეკატერინა პუშკარიოვას (რუსეთი) დუეტთან წააგეს - 5:7, 1:6.
გულშემატკივრებს უკვე ვაუწყეთ, რომ 22 წლის ანა ტატიშვილმა 833 ქულით კვალიფიკაციაში 5 საფეხურით წინ წაიწია და ახლა 79-ეა. დანარჩენ ქართველ ჩოგბურთელთა ახალი მაჩვენებლები ასეთია: 240 (238). მაკა ჩახნაშვილი (240 ქულა), 273 (270). სოფიო შაფათავა (203), 385 (385). სოფიო ქვაცაბაია (101), 537 (538). ეკატერინე გორგოძე (52), 625 (622). თათია მიქაძე (39), 637 (681). ნათია გეგია (37), 667 (666). ოქსანა კალაშნიკოვა (32), 963 (970). ანი გოგვაძე (11).
წყვილთა რეიტინგში ტატიშვილი 1467 ქულით 63-ე ადგილზეა. 141. კალაშნიკოვა (539), 225. შაფათავა (288), 238. გორგოძე (272).
(იბეჭდება მცირე ცვლილებით)
ყოველდღიური სპორტული გაზეთი "ლელო"
