ქართველი ჩოგბურთელი ანა ტატიშვილი ცინცინატის (აშშ) ქალთა საერთაშორისო ტურნირის (საპრიზო ფონდი 2 168 400 დოლარი) ძირითად ბადეში სერბი ანა ივანოვიჩის ავადმყოფობის გამო იღბლიანი წაგებულის სტატუსით მოხვდა. ამის მიუხედავად, ჩვენებურმა ასპარეზობის სტარტზე მსოფლიო რეიტინგით 31-ე ადგილზე მყოფი ჩეხი კლარა ზაკოპალოვა ჩამოიშორა გზიდან. მეორე წრეში იგი ნადია პეტროვას მძლეველ ეკატერინა მაკაროვას (რუსეთი) დაუპირისპირდა.საინტერესო ის არის, რომ მაკაროვა ტატიშვილის მეწყვილეა. მათმა დუეტმა პირველ წრეში ბეტანი მატეკ-სანდსსა (აშშ) და სანია მირზას (ინდოეთი) სამ სეტში სძლია - 2:6, 6:1, 10:8 და მეორე წრეში გავიდა,
ტატიშვილს სრებოტნიკთან ლონდონის ოლიმპიურ ტურნირზე (მაკა ჩახნაშვილთან ერთად) მარცხისთვის რევანში აქვს ასაღები.
ახლა ანას და მისი მეწყვილის გუშინდელ პაექრობას დავუბრუნდეთ: მაკაროვამ პირველი სეტი ძალების დაუძაბავად მოიგო 6:1. მეორეში ქართველმა ჩოგბურთელმა წინააღმდეგობის გაწევა სცადა. 2:2-ზე ანა თავისი მოწოდებისას 40:15-ს იგებდა, მაგრამ მაინც დათმო ის გეიმი. მერეც ვეღარ იყოჩაღა და მეორე ხელი 2:6 დათმო.
მარცხის მიუხედავად, ტატიშვილმა ცინცინატში 90 სარეიტინგო ქულა გამოიმუშავა: 20 - საკვალიფიკაციო ეტაპზე, 70-იც ძირითადი ბადის მე-2 წრეში გასვლისთვის.
ყოველდღიური სპორტული გაზეთი "ლელო"
