ფრანგი ლორენ რეკოუდერი ჩოგბურთელ ვაჟთა თბილისის საერთაშორისო ტურნირზე (საპრიზო ფონდი 15.000 დოლარი) მე-4 ნომრადაა განთესილი და, ცხადია, ერთ-ერთ ფავორიტადაც მიიჩნევა. იგი წინასწარ გაცემულ დივიდენდებს ამართლებს კიდეც. ზედიზედ ორი მეტოქის დამარცხების შემდეგ 7 სექტემბერს მეოთხედფინალში ალექსანდრე მეტრეველსაც, ფაქტობრივად, ძალების დაუძაბავად სძლია, რაზეც ანგარიშებიც მეტყველებს - 6:1, 6:3.
დანარჩენი შეხვედრები კი ასე დამთავრდა: პეტერ გოლდშტეინერი (ავსტრია) - პიოტრ გადომსკი (პოლონეთი) 7:6, 6:3, მატეო მარაი (იტალია, 3) - იან ბლეჩა (ჩეხეთი) 6:1, 6:4, ტონი ანდროიჩი (ხორვატია, 2) - არკადიუშ კოსილა (პოლონეთი) 6:1, 7:6
7 სექტემბერს წყვილებში ნახევარფინალური შეხვედრები გაიმართა: ვლადისლავ მანაფოვი (უკრაინა), იარასლაუ შილა (ბელარუსი) - არკადიუშ კოსილა, მიკოლაი ჟმირგალა (ორივე - პოლონეთი) 6:3, 6:4, ვლადიმირ ივანოვი (ესტონეთი), ილია შატსკი (რუსეთი) - პიოტრ გადომსკი, მიკოლაი იედრუშაკი (პოლონეთი) 7:6, 6:2.
სამწუხაროა, მაგრამ ფაქტია, რომ ლეილა მესხის ჩოგბურთის აკადემიის კორტებზე თბილისის ვაჟთა საერთაშორისო ტურნირის ნახევარფინალი და ფინალები უჩვენოდ ჩაივლის.
(იბეჭდება მცირე ცვლილებით)
ყოველდღიური სპორტული გაზეთი "ლელო"
