11 სექტემბერს კვებეკში ჩოგბურთელ ქალთა საერთაშორისო ტურნირ "ბელ ჩელენჯზე" (საპრიზო ფონდი 220 000 დოლარი) 22 წლის ანა ტატიშვილმა (რეიტინგით 52-ე) 23 წლის სესილ კარანტაჩევა (ყაზახეთი, 90-ე) სამ სეტში დაამარცხა: პირველი ხელი დაძაბულ პაექრობაში 7:5 მოიგო, მეორე, ფაქტობრივად, უბრძოლველად დათმო - 1:6, მესამეში კი მსგავსი ანგარიშით (6:1) რევანში აიღო და მე-2 წრეში გავიდა, სადაც ამერიკელი ჯესიკა პეგელას (165-ე) მძლეველ ხორვატს - პეტრა მარტიჩს (76-ე) დაუპირისპირდება. მეორე წრეში სამი ქართველით
ლეილა მესხის ჩოგბურთის აკადემიის კორტებზე გუშინ ჩოგბურთელ ვაჟთა საერთაშორისო ტურნირის (საპრიზო ფონდი
ნიკოლოზ ბასილაშვილმა სამ სეტში გიორგი ცივაძე დაამარცხა - 6:1, 2:6, 7:5. ალექსანდრე მეტრეველმა გუი მიხელევიჩს (ისრაელი) აჯობა - 6:3, 6:1, მიხეილ ხმიადაშვილმა მე-2 ნომრად განთესილ ჰანს პოდლიპნიკ-კასტილოსთან (ჩილე) წააგო - 1:6, 2:6.
ნოდარ ითონიშვილი იტალიელ მატეო მარაისთან პირველ სეტში 3:6 დამარცხდა, მეორეში კი 7:6 სძლია მეტოქეს, მაგრამ შემდეგ ტრავმის გამო ასპარეზობის გაგრძელება ვერ შეძლო და შეჯიბრებას გამოეთიშა. მე-5 ნომრად განთესილმა იტალიელმა მარაიმ უნდა თქვას, ბედი მაქვსო - მეოთხედფინალში იგი უბრძოლველად გავიდა, რადგან უკრაინელმა ორესტ ტერეშჩუკმა შეჯიბრების გაგრძელებაზე უარი თქვა.
ტურნირის რეიტინგფავორიტმა ირჟი ვესელიმ (ჩეხეთი) იოლად მოუგო ნიკოლაი ჟმირგალას (პოლონეთი) 6:2, 6:2. იგი მე-2 წრეში გიორგი ჯავახიშვილს დაუპირისპირდება.
ნიკოლოზ ბასილაშვილი (3) პეტერ გოლდშტეინერს (ავსტრია) გაუწევს მეტოქეობას, ალექსანდრე მეტრეველი ჰანს პოდლიპნიკ-კასტილოს შეხვდება. ასპარეზობის დანარჩენი მონაწილეები ასე დაწყვილდნენ: მათეუშ ჟმიგიელი (პოლონეთი) - პიოტრ გადომსკი (პოლონეთი), ოლექსი აროვინი (უკრაინა - ვლადიმირ ივანოვი (ესტონეთი), არკადიუშ კოსილა (პოლონეთი) - ტონი ანდროიჩი (ხორვატია), ლორენ რეკოუდერსი (საფრანგეთი) - იან ბელეშა (ჩეხეთი).
რაც შეეხება წყვილთა ასპარეზობას, აქ პირველი წრე ქართველთა სამმა დუეტმა გადალახა: ალექსანდრე მეტრეველსა და გიორგი ცივაძეს იან ბლეჩა და ნიკოლაი ჟმირგალა არ გამოუცხადდნენ. მიხეილ ხმიადაშვილი, შოთა მეფარიძე - დემურ დავითაძე, გიორგი ჯავახიშვილი - 6:7, 6:3, 10:4. ნოდარ ითონიშვილი, დავით კვერნაძე - ანტონ გალკინი (რუსეთი), ალექსანდრ კუშაკოვი (უკრაინა) 6:4, 4:6, 10:6.
მაკამ პირველი ბარიერი გადალახა
ქართველი ჩოგბურთელი მარგალიტა ჩახნაშვილი გუშინ საფრანგეთში მონ-დე-მარსანის ქალთა საერთაშორისო ტურნირში (საპრიზო ფონდი 25 000 დოლარი) ჩაება. პირველ წრეში ჩვენებურმა უკრაინელი მარინა ზანევსკა დაამარცხა - 6:7, 7:5, 7:5.
მეორე წრეში იგი მე-5 ნომრად განთესილი ფრანგის - ირინა ბრემონდის მძლეველ (3:6, 6:4, 6:4) რუსს, ნატალია ორლოვას დაუპირისპირდება.
ანტალიური 10 000-იანი ტურნირის საკვალიფიკაციო ბადეში ჩაებნენ თამარ ჭალაგანიძე და ანი გოგვაძე.
ჭალაგანიძემ ზედიზედ სძლია ანდრეა-მარი ნიტესკუს ( 6:3, 6:2), პატრიცია კორტესს (6:2, 6:3), 11 სექტემბერს კი ლიტველ აკვილე პარაზინსკაიტესთან დათმო შეხვედრა (7:5, 3:6, 2:6) და ძირითად ბადეში ვერ გავიდა. საკვალიფიკაციოს პირველ ეტაპზე დამარცხდა ანი გოგვაძე.
ყოველდღიური სპორტული გაზეთი "ლელო"
