ბათუმში ჩოგბურთელ ქალთა საერთაშორისო ტურნირს (საპრიზო ფონდი 15 000 დოლარი) ორი წრის შემდეგ რვა საუკეთესო შემორჩა და ყველა განთესვის ნომრით. ასპარეზობის რეიტინგფავორიტმა იულია კალაბინამ (რუსეთი) ისევ გეიმის დაუკარგავად გაიმარჯვა - გუშინ მან ავსტრალიელი იასმინე ჰანტოსი დაჯაბნა - 6:0, 6:0.ოთხიდან მეოთხედფინალში ორი ქართველი განაგრძობს პაექრობას. მეორე ნომერმა სოფიო ქვაცაბაიამ იოლად სძლია ვიქტორია ლუშკოვას - 6:1, 6:1, ეკატერინე გორგოძემ (6) სამ სეტში უკრაინის სახელით მოასპარეზე ქართველი სოფიკო ქაჯაია დაამარცხა - 6:4, 4:6, 6:4. ორმა ქართველმა კი უკრაინელ დებთან - იანჩუკებთან დათმო
მეოთხედფინალში ერთმანეთს დაუპირისპირდებიან: კალაბინა (1) - გორგოძე (6), პაშკოვა (4) - ამირაგიანი (8), ო. იანჩუკი (5) - ე. იანჩუკი (3), შკუდუნი (7) - ქვაცაბაია (2).
წყვილთა პაექრობებში ნახევარფინალისტები გამოვლინდნენ. პირველ ნომრად განთესილმა ეკა გორგოძემ და სოფიო ქვაცაბაიამ, რომლებმაც ამას წინათ დუეტში ორი 10 000-იანი ევროპული ტურნირი მოიგეს, მეოთხედფინალში ანი გოგვაძესა და ეკატერინა წიკლაურს (რუსეთი) სძლიეს 6:3, 6:4; იულია კალაბინა, ეუგენია პაშკოვა (რუსეთი, 3) - იულია ჰელბეტი (მოლდოვა), სოფიკო ქაჯაია (უკრაინა) 6:3, 6:2, ალონა ფომინა, ანა შკუდუნი (უკრაინა, 4) - მარიამ ბოლქვაძე, ბარბარე ერისთავი (საქართველო) 6:1, 6:1, ტერეზა კლეინშტეუბერი, რია საბეი (გერმანია) - ელიზავეტა იანჩუკი, ოლგა იანჩუკი (უკრაინა, 2) 6:4, 0:6, 10:7.
(იბეჭდება მცირე ცვლილებით)
ყოველდღიური სპორტული გაზეთი "ლელო"
