თელავის ტურნირის მთავარ ბადეს სამი ქართველი შემორჩა

ექვსიდან საქართველოს სამი წარმომადგენელი განაგრძობს პაექრობას თელავის ქალთა საერთაშორისო ტურნირში, რომლის საპრიზო ფონდია 50 000 დოლარი.

მაკა ჩახნაშვილმა სამ სეტში სძლია შეჯიბრებაზე ველური ბარათით მიწვეულ ეკატერინე გორგოძეს - 6:3, 1:6, 6:4. სოფიო ქვაცაბაიამ თითქმის უბრძოლველად წააგო ხორვატ ტერეზა მდრეზასთან - 4:6, 1:6, ნათია გეგიამ პირველი ხელი კი მოუგო უკრაინელ ანა შკუდუნს - 6:4, მეორეში მედგარი წინააღმდეგობა გაუწია, მაგრამ მეტოქემ მაინც აჯობა - 7:6, რაც, ფაქტობრივად, გარდამტეხი აღმოჩნდა, რადგან ჩვენებურმა უკრაინელს მესამე სეტში გეიმიც ვერ აართვა, 0:6 წააგო და მაყურებლებში გადაინაცვლა.

ასპარეზობის პირველ დღეს ოქსანა კალაშნიკოვას და სოფიო შაფათავას წარმატებაზე კი უკვე გაუწყეთ. ერთეულთა თანრიგის პირველი წრის დანარჩენი შეხვედრები ასე დამთავრდა: ლესია ცურენკო (უკრაინა)-ლეტისია კოსტასი (ესპანეთი) 6:4, 6:0, მარგარიტა ლაზარევა (რუსეთი)-ტადეია მაიერიჩი (სლოვენია) 6,3, 7:6, ანა-ლენა ფრიედსამი (გერმანია)-რენატა ვორაკოვა (ჩეხეთი) 6:4, 2:6, 6:2. ალექსანდრა კრუნიჩი (სერბეთი)-რეკა-ლუკა იანი (უნგრეთი) 6:3, 6:4, ნადია კიჩენოკი (უკრაინა)-არანჩა პარა-სანტონა (ესპანეთი) 6:3, 7:5, კონი პერინი (შვეიცარია)-ანა ფლორისი (იტალია) 6:4, 6:0, რიჩელ ჰოგენკამპი (ჰოლანდია)- ვიქტორია კანი (რუსეთი) 6:4, 6:0, რალუკა ოლარუ (რუმინეთი)-ირინა ხრომაჩევა (რუსეთი) 6:3, 7:5, ანა კაროლინა შმიედლოვა (სლოვაკეთი)-ლუდმილა კიჩენოკი (უკრაინა) 5:7, 7:5, 7:6, კორინა დენტონი (იტალია)-განა როზნიხირენკო (უკრაინა) 6:0, 6:4, ელინა სვიტლინა (უკრაინა)-ეკატერინა ძეჰალევიჩი (ბელორუსი) 6:3, 6:1.

მეორე წრეში ერთმანეთს დაუპირისპირდებიან: ცურენკო (1)- ლაზარევა, ჩახნაშვილი- ფრიედსამი (8), კრუნიჩი (4)- კიჩენოკი, შაფათავა- პერინი, ჰოგენკამპი (6)- კალაშნიკოვა, შკუდუნი- ოლარუ, მდრეზა (5)- შმიედლოვა, დენტონი- სვიტოლინა (2).

ყოველდღიური სპორტული გაზეთი "ლელო"