ქართველი ჩოგბურთელები - სოფიო შაფათავა და ოქსანა კალაშნიკოვა ინდურ პუნეში ჩოგბურთელ ქალთა საერთაშორისო ტურნირში (საპრიზო ფონდი 125 000 დოლარი) ჩაებნენ. ძირითადი ბადის სტარტზე შაფათავა ერთ დროს მსოფლიო კლასიფიკაციაში მე-9 ადგილზე მყოფ (ამჟამად 143-ეა) გერმანელს - ანდრეა პეტკოვიჩს დაუპირისპირდა.
ქართველი სპორტსმენი პირველ ხელს 5:2-ს იგებდა, მაგრამ გამოცდილმა ალემანმა მატჩში გარდატეხის შეტანა და სეტის მოგება შეძლო - 7:6 (7:4). შაფათავამ მეორე ხელიც დაძაბულ პაექრობაში დათმო - 5:7;
ორთაბრძოლის შემდეგ პეტკოვიჩმა ქალთა საჩოგბურთო ასოციაციის ვებგვერდზე დაწერა, რომ "ძალიან რთული მატჩი იყო... ჩემი მეტოქე
სოფიოსგან განსხვავებით, კალაშნიკოვამ პირველ წრეში ავსტრალიელ მონიკ ადამჩიკს (187-ე) ორ სეტში სძლია (7:5, 6:3) და 22 სარეიტინგო ქულაც დაიმსახურა. მერვედფინალში ტურნირზე მე-3 ნომრად განთესილ დონა ვეკიჩს (ხორვატია) დაუპირისპირდა.
პირველი ხელი 2:6 წააგო, სამაგიეროდ, მეორეში იყოჩაღა - 6:4 დაამარცხა მეტოქე; მესამე სეტი კი, ფაქტობრივად, უბრძოლველად დათმო - 0:6.
7 ნოემბერსვე კალაშნიკოვამ, რომელიც წყვილებში რუს ნინა ბრატჩიკოვასთან ერთად მე-2 ნომრადაა განთესილი, მასპინძელთა დუეტს - ბოსალე-ტომბარეს ორივე სეტი მოუგო.
ყოველდღიური სპორტული გაზეთი "ლელო"
