ანტალიის ჩოგბურთელ ვაჟთა საერთაშორისო ტურნირზე (საპრიზო ფონდი 10.000 დოლარი) ნახევარფინალისტები გამოვლინდნენ. თბილისელმა ნიკოლოზ ბასილაშვილმა, რომელიც პირველ ნომრად არის განთესილი, ზედიზედ მესამე შეხვედრა მოიგო - 7 დეკემბერს ტურნირის მეხუთე ნომერი ესპანელი გილერმო ოლასო დაამარცხა - 6:3, 6:3 და შაბათს ავსტრიელი დინოს ნოვაკის მძლეველ (6:4, 7:6) ხორვატს - დინო მარჩანს დაუპირისპირდება.
მეორე ნახევარფინალში ვლადიმირ უზნილოვსკი (უკრაინა) და მაქსიმ დუბარენკო (მოლდოვა) ითამაშებენ.
ყოველდღიური სპორტული გაზეთი "ლელო"
