მსოფლიოს ყოფილი პირველი ჩოგანი, დანიელი კაროლინ ვოზნიაცკი სერიოზული კრიტიკის ობიექტი გახდა სერენა უილიამსზე გაკეთებული პაროდიის გამო. ვოზნიაცკიმ ამერიკელი ჩოგბურთელი გასულ უქმეებზე, სან პაულუში გამართული საჩვენებელი მატჩების დროს გააჯავრა.
რუს მარია შარაპოვასთან შეხვედრის მსვლელობისას, 22 წლის დანიელმა ამერიკელის სიმსუქნეზე გააკეთა იმიტირება, როცა ტანსაცმელში პირსახოცი ჩაიდო.
აღსანიშნავია, რომ გასულ წელს ბრატისლავაში დომინიკა ციბულკოვასთან საჩვენებელ მატჩშიც კაროლინმა იგივე გააკეთა.
მაგრამ ამჯერად პაროდიამ არაერთგვაროვანი რეაქცია გამოიწვია. მაგალითად, Yahoo! Sports-ზე მას "ძალიან სასაცილო" უწოდეს, მსგავსებას კი "განსაკუთრებული". ამ დროს სხვა ინტერნეტგვერდებმა ვოზნიაცკის გამოსვლაში რასისტული ელემენტები
Video
კაროლინ ვოზნიაცკიმ სერენა უილიამსი გააჯავრა
კაროლინ ვოზნიაცკიმ სერენა უილიამსი გააჯავრა
"ეს არ არის უწყინარი ხუმრობა, - ასე წერია ერთ-ერთ სტატიაში. - ეს წმინდა წყლის რასიზმია. შავი ქალბატონების ფორმებზე პაროდია? ძალიან სასაცილოა, სულელო თეთრო გოგო", - დაწერა Huffington Post-ის ერთ-ერთმა ბლოგერმა.
ეს თემა ასევე განიხილეს პოპულარული ამერიკული თოქშოუს - The View-ის ეთერში. ერთ-ერთმა წამყვანმა შერი შეპერდმა აღნიშნა:
"ვიცი, რომ ისინი მეგობრობენ, მაგრამ ეს პაროდია მაინც უსიამოვნო კვალს ტოვებს. ადამიანები ხშირად იცინიან ჩვენი სხეულის ნაწილებზე, მაგრამ მე არ მომწონს ის, რომ სერენა უილიამსის გარეგნობის ამ ნაწილს გაუსვეს ხაზი".
შეპერდის თანაწამყვანმა, ცნობილმა მსახიობმა ვუპი გოლდბერგმა ასეთი რამ განაცხადა:
"სერენას პაროდიას ყველა აკეთებს: კაციც და ქალიც. მე მხოლოდ ის მაინტერესებს: რატომ მაინცდამაინც ის? რა არის მასში ასეთი? კანის ფერის გამო ხომ არა? ან იმის გამო, რომ დიდი წელი აქვს და არც ორ გრამს იწონის? თუ იმის გამო, რომ მას შეუძლია ნებისმიერი მეტოქე კორტზე გააკრას?"
ყოველდღიური სპორტული გაზეთი "ლელო"
რასიზმი კი არაფე რშუაშია - სერენა თეთრკანიანი რომ ყოფილიყო მაშინ რაღას მოიგონებდნენ?