ქართველი ჩოგბურთელი ანა ტატიშვილი ავსტრალიის ღია პირველობისთვის ემზადება. კარგა ხანია, მწვანე კონტინენტზე იმყოფება და უკვე მეორე შეჯიბრებაში ცდის ძალებს. 31 დეკემბერს ბრისბენის ტურნირის პირველსავე წრეში დამარცხების შემდეგ სიდნეის ტურნირის (საპრიზო ფონდი 690.000 დოლარი) საკვალიფიკაციო ეტაპიდან აიღო სტარტი.
ჩვენებური მე-4 ნომრადაა განთესილი. 4 იანვარს ქალთა მსოფლიო რეიტინგით 247-ე საფეხურზე მყოფ არინა როდიონოვას (რუსეთი) დაუპირისპირდა.
შეხვედრა ორ საათზე მეტ ხანს გაგრძელდა. არადა, პირველი ხელი ტატიშვილმა მშრალად მოიგო - 6:0. ეტყობა, იოლმა გამარჯვებამ ქართველ ჩოგბურთელზე უარყოფითად იმოქმედა, რადგან მეორე სეტში თითქმის უბრძოლველად დანებდა
კვალიფიკაციაში მეორე წრის მატჩები 5 დეკემბერს გაიმართება. პირველი გამარჯვებით ანამ 8 ქულა გაინაღდა, ფრანგის ძლევით კი მონაგარს 12 ქულით გაიუმჯობესებს, თან ძირითად ბადეში მოსახვედრად იაპონელ კიმიკო დატე-კრუმსა და ამერიკელ ვანია კინგს შორის უძლიერესთან გაარკვევს ურთიერთობას.
ყოველდღიური სპორტული გაზეთი "ლელო"
