ჩინეთის ქალაქ გუანჩჟოუში ჩოგბურთელ ქალთა საერთაშორისო ტურნირის (საპრიზო ფონდი 50.000 დოლარი) ძირითად ბადეში სცდიდა ძალებს თბილისელი ოქსანა კალაშნიკოვა.ჩვენებური სტარტზევე კვალიფიკაციის ერთ-ერთ გამარჯვებულს - მასპინძელ ჰაო ჩენ ტანს ვერ გაუმკლავდა.
მართალია, ოქსანამ მეორე ხელი 6:3 მოიგო, მაგრამ პირველი და მესამე სეტები, შესაბამისად, 3:6, 5:7 დათმო და ერთეულთა პაექრობას გამოეთიშა. წყვილებში, როგორც გაუწყეთ, ტაილანდელ ნოპავან ლერტჩეევაკარნთან ერთად მეორე ნომრადაა განთესილი.
პირველ წრეში ჩინელებს - ძია სიან ლუსა და ძია-ძინ ლუს დუეტს აჯობა, მეორე წრეში ასევე მასპინძლებს - თინ ლისა და ძინ-ძინ
ანტალიის ქალთა 10.000-იან ტურნირში ჩაება სოფიო ქვაცაბაია.
ერთეულთა ძირითად ბადეში მე-4 ნომრად განთესილი თბილისელი ჩოგბურთელი პირველსავე პაექრობაში უკრაინელ მარიანა ზაკარლიუკს იოლად დანებდა - 3:6, 0:6.
წყვილებში ქვაცაბაია სწორედ ზაკარლიუკთან ერთად ანგელინა კლიმოვას (გერმანია) და იოანა პოსირკას (უკრაინა) შეხვდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
