22 წლის ქართველი ჩოგბურთელი ანა ტატიშვილი, რომელსაც WTA-ს რეიტინგში 52-ე ადგილი უკავია, ამჟამად მელბურნში იმყოფება და ავსტრალიის ღია პირველობისთვის ემზადება. 11 იანვარს წილისყრამ ჩვენებურის მეტოქე გამოავლინა: ეს გახლავთ ანას თანატოლი იაპონელი აიუმი მორიტა, რომელიც კლასიფიკაციაში 774 ქულით 81-ეა.
14 იანვარს ისინი პირველად შეხვდებიან ერთმანეთს. ტატიშვილმა ეს დაპირისპირება აუცილებლად უნდა მოიგოს, წინააღმდეგ შემთხვევაში 100 ქულას დაკარგავს, რომელიც მან შარშან მელბურნში მოიპოვა სტარტზე მასპინძელი ეშლი ბარტის ძლევით (6:2, 7:6). მეორე წრეში მაშინ ქართველმა ჩოგბურთელმა დანიელ კაროლინ ვოზნიაცკისთან წააგო - 1:6, 6:7.
14
ყოველდღიური სპორტული გაზეთი "ლელო"
