- სამი წელიწადია, წელის ტრავმა მაწუხებს, ამის მიუხედავად, მაინც ვახერხებდი ტურნირებში მონაწილეობას და ნაკრების სპორტული ღირსების დაცვას, - გვითხრა ითონიშვილმა. - წლეულს მარტო ერთი შეხვედრა ჩავატარე. დიდი უქმობის შემდეგ დავუბრუნდი კორტს, მაგრამ სამომავლოდ იმედის ნაპერწკალიც არ ჩანს. დაუფინანსებლობის გამო უცხოეთში შეჯიბრებებზე ვერ მივდივართ. აქამდე თბილისის საერთაშორისო ტურნირებში მაინც ვმონაწილეობდით, წლეულს ეს სიამოვნებაც გამოგვაცალეს ხელიდან. ნაკრების წევრებს ერთადერთ ბედნიერებად ეროვნულ ჩემპიონატში ასპარეზობაღა დაგვრჩა. დევისის თასზე ევრო-აფრიკის მესამე ზონაში ვართ. იმის იქით აღარაფერია, არადა, ორი წლის წინათ უმაღლეს ეშელონში დასაწინაურებლად ვიბრძოდით. დაფინანსება თუ არ იქნა, საქართველოში ვაჟთა პროფესიული ჩოგბურთისგან არაფერი დარჩება - ვინც პერსპექტიულია, ალბათ, თავს უშველის, მოყვარულები კი ყოველთვის მოიძებნებიან...
გუშინ ეროვნული ჩემპიონატის პირველი წრის დანარჩენი შეხვედრები ასე დამთავრდა: შოთა მეფარიძე-გიორგი ხოხბა 6:1, 6:4, დემეტრე მაღრაძე-კარენ სარქისიანი 6:2, 6:1, სერგო სიხარულიძე-თორნიკე წერეთელი 6:0, 6:1, ზურაბ ზედანია-სოზარ გოქაძე 7:6, 7:5, ალექსანდრე დავლიანიძე-რატი ძიძიგური 6:0, 6:2, ალექსანდრე მაღლაკელიძე-გიორგი შუხოშვილი 6:3, 6:3, ლუკა ფილფანი-ზვიად ზაალიშვილი 6:7, 6:2, 7:5, დემეტრე თაქთაქიშვილი-მერაბ ქაშიბაძე 6:1, 6:2.
ყოველდღიური სპორტული გაზეთი
"ლელო"
