22 წლის თბილისელი ჩოგბურთელი ოქსანა კალაშნიკოვა ქალთა მსოფლიოს რეიტინგით 375-ე ადგილზეა, მაგრამ ორშაბათიდან აუცილებლად დაწინაურდება, რადგან უზბეკეთის ქალაქ ნაგმანგანის ქალთა საერთაშორისო ტურნირზე (საპრიზო ფონდი 25.000 დოლარი) მეორე ადგილი დაიკავა და რეიტინგი 34 ქულით გაიმდიდრა: ფინალში ჩვენებური 20 წლის უკრაინელ ნადია კიჩენოკთან (რეიტინგით 190-ე) დამარცხდა - 2:6, 3:6. საგულისხმოა, რომ კიჩენოკმა მეოთხედფინალში სოფიო შაფათავასაც სძლია, ხოლო კალაშნიკოვამ მერვედფინალში ნადიას ტყუპისცალს, ლუდმილა კიჩენოკს აჯობა.
კალაშნიკოვა უზბეკეთშივე რჩება და 23 აპრილიდან ანდიჟანის ჩოგბურთელ ქალთა 10.000-იან საერთაშორისო ტურნირში ჩაებმება.
იგი მე-5 ნომრადაა განთესილი და
ტურნირის რეიტინგფავორიტია უკრაინელი ვერონიკა კაპშაი - იგი პირველ წრეში მასპინძელ ალინა აბდურახიმოვას გაუწევს მეტოქეობას.
სტამბულის 50.000-იან საერთაშორისო ტურნირში ჩაებმება სოფიო შაფათავა.
ყოველდღიური სპორტული გაზეთი "ლელო"
