უზბეკურ ანდიჟანში 27 აპრილს დამთავრდება ჩოგბურთელ ქალთა საერთაშორისო ტურნირი (საპრიზო ფონდი 10.000 დოლარი). ერთეულთა ფინალში თბილისელი ოქსანა კალაშნიკოვა იასპარეზებს. 26 აპრილს მან ნახევარფინალში სამ სეტში აჯობა მე-8 ნომრად განთესილ (თავად მეხუთე ნომერია) პოლინა ვინოგრადოვას (რუსეთი) - 6:4, 2:6, 6:4. მეორე ნახევარფინალურ წყვილში ანასტასია ვასილიევამ (უკრაინა, #6) დარია მირონოვა (რუსეთი, #7) დაამარცხა - 3:6, 7:6, 6:3.
ფინალში გასვლით კალაშნიკოვამ სარეიტინგო 8 ქულა გაინაღდა, ტურნირის მოგების შემთხვევაში საერთო მონაგარს 12 ქულით გაიმდიდრებს.
ყოველდღიური სპორტული გაზეთი "ლელო"
