როლან გაროსის მეორე სათამაშო დღეს გაგრძელდა პირველი რაუნდი და მორიგი ფავორიტი ჩაება ბრძოლაში. ბრიტანელი ენდი მარეი წელს გრუნტზე ჯერჯერობით დაუმარცხებელია - არგენტინელ ფაკუნდო არგუელოსთან გუშინდელ შეხვედრამდე ცხრამატჩიანი მოგებათა სერია ჰქონდა, რომელმაც მოიცვა გამარჯვებები მიუნხენისა და მადრიდის ტურნირებზე.ბრიტანელმა იოლად გააგრძელა ეს სერია, რაც გასაკვირი არ ყოფილა. არგუელო თავის მეორე მატჩს ატარებდა დიდი სლემის ტურნირებზე. არგენტინელს ცუდი შთაბეჭდილება არ დაუტოვებია. პირველ სეტში 0:3 ჩამორჩენის შემდეგ ზედიზედ სამი გეიმი აიღო და ანგარიში გაათანაბრა, მაგრამ 3:6 წააგო. მეორე სეტშიც თავიდან ბრძოლა იყო და
ახლა, ენდის 32 მოგება და 5 წაგება აქვს 2015 წლის სეზონში. მისი საუკეთესო შედეგი როლან გაროსზე ორი ნახევარფინალი იყო (2011, 2014). ბრიტანელის მეტოქე მეორე წრეში დღეს ვასეკ პოსპიშილისა და ჟოაო სოუზას შეხვედრაში გაირკვევა.
* * *
მცირე ნერვიულობის საბაბი ჰქონდა ტომაშ ბერდიხს, რადგან მას როლან გაროსზე ხუთჯერ აქვს წაგებული პირველ წრე, თუმცა 2010 წელს ნახევარფინალში იყო. მაგრამ ჩეხი გუშინ ძალიან კარგად აწვიდიდა და პირველი მოწოდებით ქულების 82 პროცენტი აიღო. ეს დაეხმარა მას იაპონელი იოშიჰიტო ნიშიოკას დამარცხებაში - 6:0, 7:5, 6:3.
ბერდიხი ამ სეზონის ერთ-ერთი ყველაზე სტაბილური მოთამაშეა - ცხრა ტურნირში მიიღო მონაწილეობა და ყველაში მინიმუმ მეოთხედფინალამდე მიაღწია. მეორე წრეში ჩეხი თანამემამულე რადეკ შტეპანეკს შეხვდება.
* * *
ჯერჯერობით წარმატებით გამოდიან პირველ წრეში ფრანგი ჩოგბურთელები. პირველ დღეს გაიარა პირველი რაუნდის ბარიერი ჟო-ვილჟრიდ ცონგამ, გუშინ კი მას რამდენიმე თანამემამულემ მიბაძა.
ჟილ სიმონს ოთხი სეტი დასჭირდა ლუკას პუიეს დასამარცხებლად - 3:6, 6:1, 6:2, 6:4. მე-12 ნომრად განთესილისთვის ეს მნიშვნელოვანი წარმატება იყო, რადგან კარიერაში რიგით 350-ე გამარჯვება გაიფორმა. მეორე წრეში სიმონი მარტინ კლიჟანს შეხვდება.
კიდევ ერთ ფრანგულ დერბიში გაელ მონფილმა ედუარდ როჟე-ვასელენი დაამარცხა - 6:2, 6:7, 6:1, 7:5. გაელმა ძალიან აგრესიული თამაში აჩვენა, რაზეც მეტყველებს 68 "ვინერსი".
და კიდევ, მეორე წრეში ითამაშებს ბენუა პერი, რომელმაც ორ საათსა და 58 წუთში მოუგო გასტაო ელიაშს - 5:7, 6:3, 4:6, 6:4, 6:2.
* * *
აუცილებლად ცალკე უნდა აღვნიშნოთ ახალგაზრდა ავსტრალიელების გამოსვლა. სამწუხაროდ, ერთ-ერთმა ქართველი ნიკოლოზ ბასილაშვილი გამოთიშა ბრძოლას. ტანასი კოკინაკისმა ეს 49 "ვინერსისა" და 15 ეისის წყალობით მოახერხა. ახლა, კოკინაკისი თანამემამულე ბერნარდ ტომიჩს შეხვდება, რომელმაც ოთხ სეტში მოუგო იტალიელ ლუკა ვანის.
წლევანდელ გრუნტის სეზონში როჯერ ფედერერის მძლეველმა ნიკ კირგიოსმა თანამემამულეებს შორის ყველაზე იოლად გაიმარჯვა, თუმცა მაინც სერიოზული წინააღმდეგობა შეხვდა უზბეკი დენის ისტომინისგან. ავსტრალიელმა 11 ბრეიკ-პოინტიდან ცხრა მოიგერია და საათსა და 38 წუთში მოიგო - 6:3, 6:4, 6:3.
* * *
სხვა მატჩებიდან აღვნიშნოთ იტალიელი ფაბიო ფონინის დამაჯერებელი სტარტი. ტაცუმა იტოსთან შეხვედრაში აპენინელმა ათიდან ექვსი ბრეიკ-პოინტი გამოიყენა და 6:3, 6:2, 6:2 მოიგო. შეგახსენებთ, რომ წელს ფონინიმ ორჯერ მოუგო გრუნტზე რაფაელ ნადალს.
მე-17 ნომრად განთესილმა ბელგიელმა დავიდ გოფენმა 14-დან რვა ბრეიკ-პოინტი გარდასახა მომგებიან ქულაში, რასაც 45 "ვინერსიც" დაუმატა და ოთხ სეტში მოუგო სერბ ფილიპ კრაინოვიჩს - 3:6, 6:2, 7:6, 6:1.
კარგი ფორმა დაადასტურა ავსტრიელმა დომინიკ ტიმმა, რომელმაც სამ საათსა და 21 წუთში 60 "ვინერსი" შეასრულა ალიაჟ ბედენეს წინააღმდეგ.
კაცები
I წრე
ტანასი კოკინაკისი (ავსტრა)-ნიკოლოზ ბასილაშვილი (საქ) 3:6, 6:4, 7:6(4), 6:2; ბერნარდ ტომიჩი (ავსტრა, 27)-ლუკა ვანი (იტა) 6:3, 3:6, 6:3, 6:4; ბორნა ჩორიჩი (ხორ)-სემ კუერი (აშშ) 7:6(8), 6:3, 0:6, 6:3; ტომი რობრედო (ესპ, 18)-ანდრეი გოლუბევი (ყაზ) 3:6, 6:1, 7:5, 6:3; იურგენ მელცერი (ავსტრია)-ადრიან მანარინო (საფ, 30) 7:6(5), 6:3, 7:6(4); ანდრეი კუზნეცოვი (რუს)-მალეკ ჟაზირი (ტუნ) 6:3, 6:2, 6:4; ენდი მარეი (ბრიტ, 3)-ფაკუნდო არგუელო (არგ) 6:3, 6:3, 6:1; კაილ ედმუნდი (ბრიტ)-სტეფან რობერი (საფ) 2:6, 6:4, 6:3, 5:7, 6:2; ნიკ კირგიოსი (ავსტრა, 29)-დენის ისტომინი (უზბ) 6:3, 6:4, 6:3; დავიდ გოფენი (ბელ, 17)-ფილიპ კრაინოვიჩი (სერ) 3:6, 6:2, 7:6(3), 6:1; სანტიაგო ხირალდო (კოლ)-დონალდ იანგი (აშშ) 6:4, 7:5, 6:3; ვიქტორ ტროიცკი (სერ, 31)-იან-ლენარდ შტრუფი (გერ) 6:2, 6:1, 6:7(3), 6:1; სიმონე ბოლელი (იტა)-სტივ დარცისი (ბელ) 6:3, 6:4, 6:3; ტომაშ ბელუჩი (ბრა)-მარინკო მატოშევიჩი (ავსტრა) 6:1, 6:2, 6:4; ბენჯამინ ბეკერი (გერ)-რუბენ ბემელმანსი (ბელ) 6:3, 6:7(5), 2:6, 7:6(4), 6:2; ფერნანდო ვერდასკო (ესპ) 32)-ტარო დანიელი (იაპ) 6:3, 6:4, 6:2; ხუან მონაკო (არგ)-ფედერიკო დელ ბონისი (არგ) 6:7(4), 6:2, 6:1, 6:7(6), 6:2; თეიმურაზ გაბაშვილი (რუს)-ფელისიანო ლოპესი (ესპ, 11) 6:3, 7:6(9), 6:3; ფაბიო ფონინი (იტა, 28)-ტაცუმა იტო (იაპ) 6:3, 6:2, 6:2; ბენუა პერი (საფ)-გასტაო ელიაში (პორ) 5:7, 6:3, 4:6, 6:4, 6:2; რადეკ შტეპანეკი (ჩეხ)-ივან დოდიგი (ხორ) 5:7, 6:3, 6:4, 6:1; ტომაშ ბერდიხი (ჩეხ, 4)-იოშიჰიტო ნიშიოკა (იაპ) 6:0, 7:5, 6:3; სერგეი სტახოვსკი (უკრ)-რიკარდას ბერანკისი (ლიტ) 6:2, 7:5, 6:1; მარტინ კლიჟანი (სლოვაკ)-ფრენსის ტიფო (აშშ) 6:2, 6:1, 6:4; ჟილ სიმონი (საფ, 12)-ლუკა პუიე (საფ) 3:6, 6:1, 6:2, 6:4; გაელ მონფილსი (საფ, 13)-ედუარდ როჟე-ვასელენი (საფ) 6:2, 6:7(5), 6:1, 7:5; დიეგო შვარცმანი (არგ)-ანდრეას ჰაიდერ-მაურერი (ავსტრია) 6:3, 5:7, 6:3, 7:6(5); დომინიკ ტიმი (ავსტრია)-ალიაჟ ბედენე (ბრიტ) 6:3, 6:4, 6:7(6), 6:3; პაბლო კუევასი (ურუ, 21)-სემ გროტი (ავსტრა) 6:7(5), 6:3, 6:3, 6:3.
ყოველდღიური სპორტული გაზეთი "ლელო"
