მსოფლიო რეიტინგის ყოფილი პირველი ნომერი, ბრიტანელი ენდი მარეი კორტს დღეს დაუბრუნდება. ის ლონდონში გასამართ Queen's Club-ის ტურნირში მიიღებს მონაწილეობას.
ენდის პირველი მეტოქე ავსტრალიელი ნიკ კირგიოსი იქნება, რომელსაც ურთიერთშეხვედრებში 6:1 ამარცხებს.
მარეის პროფესიონალურ ტურნირში 2017 წლის აგვისტოს შემდეგ აღარ უთამაშია, როდესაც ის უიმბლდონზე სემ ქუერისთან ხუთ სეტში დამარცხდა.
მსოფლიო რეიტინგის პირველ საფეხურს დაუბრუნდა როჯერ ფედერერი. ლეგენდარულ შვეიცარიელს ამის მისაღწევად შტუტგარტის ტურნირზე 1/2-ფინალში გასვლაც ჰყოფნიდა, თუმცა მან გერმანიაში იჩემპიონა კიდეც.
ფინალური შეხვედრა ძალზე დრამატული აღმოჩნდა და "მხიარულმა როჯერმა" ნიკ კირგიოსი 1:54 საათში,
ფედერერმა რეიტინგის სათავეში რაფაელ ნადალი ჩაანაცვლა.
აქვე გეტყვით, რომ ფედერერი დღეიდან უკვე ჰალეს ტურნირში ჩაერთვება და პირველ წრეში სლოვენიელ ალიაჟ ბედენეს დაუპირისპირდება.
ბალახის სეზონს იწყებს კიდევ ერთი ყოფილი პირველი ნომერი ნოვაკ ჯოკოვიჩიც. სერბიც ლონდონის ტურნირში იასპარეზებს და დღეს ავსტრალიელი ჯეიმს მილმანის წინააღმდეგობის დაძლევას შეეცდება.
![კარიერაში მეშვიდედ - ნოვაკ ჯოკოვიჩი შემაჯამებელი ტურნირის გამარჯვებულია [VIDEO]](/pictures/image7/45a73f0c790a0838fef86577d003a453.jpg "კარიერაში მეშვიდედ - ნოვაკ ჯოკოვიჩი შემაჯამებელი ტურნირის გამარჯვებულია [VIDEO]")
![სინერმა შემაჯამებელ ტურნირზე ჯოკოვიჩი დაამარცხა და მეორე გამარჯვება მოიპოვა [VIDEO]](/pictures/image7/758a8016aec0c4291eeebae693163907.jpg "სინერმა შემაჯამებელ ტურნირზე ჯოკოვიჩი დაამარცხა და მეორე გამარჯვება მოიპოვა [VIDEO]")
![კარლოს ალკარასი უიმბლდონის ტურნირის გამარჯვებულია [VIDEO]](/pictures/image7/2027c367b6898772cb13ea6df9f9d128.jpg "კარლოს ალკარასი უიმბლდონის ტურნირის გამარჯვებულია [VIDEO]")
