რუსული ველოსაჯინიბოს "კატიუშას" წევრმა ლუკა პაოლინიმ დოპინგ-ტესტი ჩააგდო. მისმა სინჯმა დადებითი შედეგი აჩვენა კოკაინზე.38 წლის იტალიელი ჩამოაშორეს ამ დღეებში მიმდინარე ტურ დე ფრანსს და სასამართლოს გადაწყვეტილებამდე დისკვალიფიკაცია მისცეს. ასეთია ველომრბოლთა საერთაშორისო კავშირის სანქცია ვეტერანის მიმართ.
თავად ველომრბოლი უარყოფს ნარკოტიკის მიღებას. "პაოლინიმ განაცხადა, რომ არ მიუღია კოკაინი არც ტურ დე ფრანსის წინ და არც ველომარათონის მსვლელობისას", - განაცხადა რუსული გუნდის პრეს-ატაშემ ფილიპ მარტინსმა.
ჯერჯერობით, "კატიუშას" ხელმძღვანელები ელოდებიან "B" სინჯის შედეგებს და მხოლოდ ამის შემდეგ გააკეთებენ კომენტარს დოპინგის მიღების ფაქტთან დაკავშირებით.
* * *
გუშინ, ტურზე გუნდური დროზე განცალკეთებით რბოლა იყო, რომლის შემდეგაც, შემცირდა სხვაობა გენერალური კლასიფიკაციის ლიდერ კრის ფრუმსა და მის უახლოეს მდევარ ტიჯეი ვან გარდერენს შორის, სამაგიეროდ, ბრიტანელი უკვე წუთზე მეტს უგებს თავის ყველაზე სახიფათო კონკურენტს ალბერტო კონტადორს.
IX ეტაპი
ვანი-პლიუმლეკი. 28 კმ
1. BMC Racing Team (აშშ) - 32:15; 2. Sky (ბრიტ) - +0,01; 3. Movistar (ესპ) - +0,04; 4. Tinkoff-Saxo (რუს) - +0,28; 5. ასტანა (ყაზ) - +0,35; 6. IAM Cycling (შვეიც) - +0,38; 7. Etixx - Quick Step (ბელ) - +0,45; 8. Lampre – Merida (იტა) - +0,48; 9. Team Lotto NL – Jumbo (ჰოლ) - +1,14; 10. AG2R La Mondiale (საფ) - +1,24...
საერთო ჩათვლა
1. კრისტოფერ ფრუმი (ბრიტ, Sky) - 31:34,12; 2. ტიჯეი ვან გარდერენი (აშ, BMC) - +0,12; 3. გრეგ ვან ავერმატი (ბელ, BMC) - +0,27; 4. პეტერ საგანი (სლოვაკ, Tinkoff-Saxo) - +0,38; 5. ალბერტო კონტადორი (ესპ, Tinkoff-Saxo) - +1,03; 6. რიგობერტო ურანი (კოლ, Etixx-Quick-Step) - +1,18; 7. ალეხანდრო ვალვერდე (ესპ, Movistar) - +1,50; 8. გერანტ ტომასი (ბრიტ, Sky) - +1,52; 9. ნაირო კინტანა (კოლ, Movistar) - +1,29... 13. ვინჩენცო ნიბალი (იტა, "ასტანა") - +2,22... 16. ბაუკე მოლემა (ჰოლ, Trek) - +2,56... 18. ხოაკიმ როდრიგესი (ესპ, "კატიუშა") - +3,52...
ყოველდღიური სპორტული გაზეთი "ლელო"
