რვა ქართველი ჩოგბურთელი ჩაება თელავის საერთაშორისო ტურნირში (საპრიზო ფონდი 10.000 დოლარი), ორი წრის შემდეგ კი შეჯიბრებას მხოლოდ ეკატერინე გორგოძე შემორჩა. გუშინ, 17 სექტემბერს მან მერვედფინალური შეხვედრა რუს სოფია გოლუბოვსკაიას მოუგო - 6:2, 6:3 და მეოთხედფინალში მის თანამემამულე ამინა ანშბასთან გაარკვევს ურთიერთობას. ამ უკანასკნელმა ალინა კისლიცკაიას (რუსეთი) აჯობა - 6:2, 6:0.
მესამე ნომრად განთესილი სოფიო ქვაცაბაია ანი ამირაგიანს (სომხეთი) დანებდა - 2:6, 2:6, მარგალიტა ჩახნაშვილი-რანცინგერი პოლინა ნოვიკოვასთან (რუსეთი) დამარცხდა - 6:7, 4:6, ანა შანიძეს ანასტასია პრიბილოვამ (რუსეთი) სძლია - 6:4, 6:1.
ნახევარფინალში ითამაშებენ: ამირაგიანი, ანშბა-ანა და ანასტასია პრიბილოვები (რუსეთი), ლოდიკოვა, პოგრებნიაკი-პოლინა გოლუბოვსკაია, ალინა კისლიცკაია (ორივე-რუსეთი).
(იბეჭდება მცირე ცვლილებით)
ყოველდღიური სპორტული გაზეთი "ლელო"
