ტელეკომპანია ARD-მ რუსული დოპინგის შესახებ ახალი ფილმი ("ზესაიდუმლო დოპინგი") უჩვენა მაყურებელს.ჟურნალისტი ჰაიო ზეპელტის ახალ ნამუშევარში ერთ-ერთი მთავარი ეპიზოდი ეხება რუსეთის სპორტის მინისტრს ვიტალი მუტკოს. ის მთავარი დამნაშავეა რუსეთის პრემიერლიგის კლუბის - "კრასნოდარის" ფეხბურთელის დადებითი დოპინგ-სინჯის დამალვაში. ეს სინჯი ფეხბურთელმა 2014 წელს, რუსეთის ჩემპიონატის მეოთხე ტურში "როსტოვთან" მატჩის შემდეგ ჩააბარა. მოთამაშის გვარი არ სახელდება.
ტელეკომპანია ARD-ის რიგით მეოთხე ფილმში მოსკოვის ანტისადოპინგო ლაბორატორიის ყოფილი ხელმძღვანელი გრიგორი როდჩენკოვი ამტკიცებს, რომ სპორტსმენებს, რომლებიც ლონდონის ოლიმპიადის დროს დოპინგის მიღებაში გამოიჭირეს, შეეძლოთ გარკვეული ანაზღაურების სანაცვლოდ,
როგორც ირკვევა, ეს სამსახური ერთი სპორტსმენისთვის 500 ათასი დოლარი ღირდა. ფულს, თავდაპირველად, მწვრთნელს აძლევდნენ, შემდეგ კი რუსეთში არსებობდა ადამიანი, რომელიც თანხას მძლეოსნობის საერთაშორისო ფედერაციას გადასცემდა.
ფილმის ერთ-ერთი გმირი გახდა ვიტალი მუტკოს ასისტენტი ნატალია ჟელანოვა. ჰაიო ზეპელტის ინფორმაციით, ეს ქალბატონი მუდმივად ერეოდა მოსკოვის ანტისადოპინგო სააგენტოს საქმიანობაში.
გარდა ამისა, ჟელანოვა მონაწილეობდა მძლეოსნობის საერთაშორისო ფედერაციის თანამშრომლების მოსყიდვაში, რათა მათ დაემალათ რუსული სპორტსმენების დადებითი დოპინგ-სინჯები. უფრო მეტიც, ფილმში ამტკიცებენ, რომ რუსეთის სპორტის მინისტრთან ერთად, ჟელანოვა ცდილობდა ზეწოლა მოეხდინა მსოფლიოს ანტისადოპინგო სააგენტოზე, რათა ამ ორგანიზაციას შეეწყვიტა გამოძიება რუსულ მძლეოსნობასთან დაკავშირებით.
ფილმში კიდევ ერთი მნიშვნელოვანი მომენტია ისაა, რომ სპორტული სიარულში სამუდამოდ დისკვალიფიცირებული მწვრთნელი ვიქტორ ჩეგინი კვლავაც მუშაობს რუს მძლეოსნებთან.
ზეპელტის ინფორმაციით, ჩეგინი სპორტსმენთა ვარჯიშებს დაბურულ შუშებიანი ავტობუსიდან ხელმძღვანელობს. ინფორმატორია რუსი მძლეოსანი, რომელიც ინკოგნიტოდ დარჩა. ის ამტკიცებს, რომ ჩეგინი ავტობუსიდან რეკავს და ბრძანებებს იძლევა, აგრეთვე აგრძელებს მთელი საწვრთნელი პროცესის დისტანციურად ხელმძღვანელობას.
ყოველდღიური სპორტული გაზეთი "ლელო"
