რუსმა ჩოგბურთელმა მარია შარაპოვამ სპორტულ საარბიტრაჟო სასამართლოში სარჩელი შეიტანა ჩოგბურთის საერთაშორისო ფედერაციის გადაწყვეტილებაზე. როგორც იცით, რამდენიმე დღის წინ, შარაპოვამ ორწლიანი დისკვალიფიკაცია მიიღო აკრძალული პრეპარატის გამოყენების გამო.
როგორც რუსული პრესა წერს, შარაპოვას ადვოკატი ჯონ ჰეგერტი ოპტიმისტურად არის განწყობილი ჩოგბურთელის საქმესთან დაკავშირებით. "აპელაცია შევიტანეთ. მოუთმენლად ველოდებით სპორტულ საარბიტრაჟო სასამართლოში ჩვენი საქმის განხილვას და მისი მოგების დიდი იმედი გვაქვს", - განაცხადა ჰეგერტიმ.
იტყობინებიან, რომ სპორტული საარბიტრაჟო სასამართლო დათანხმდა მარია შარაპოვას საქმის დაჩქარებული წესით განხილვას და გადაწყვეტილებას არაუგვიანეს 2016 წლის 18 ივლისისა მიიღებს.
ყოველდღიური
![როგორ გამოიყურება მარია შარაპოვას მდიდრული სახლი [VIDEO+PHOTO]](/pictures/image7/4acea4872dacadb1197c493e880563b2.jpg "როგორ გამოიყურება მარია შარაპოვას მდიდრული სახლი [VIDEO+PHOTO]")
