ენდი მარეიმ უიმბლდონზე საოცრად ჩაატარა დასკვნითი მატჩები და დამსახურებულად მოიგო "დიდი სლემი" კარიერაში მესამედ. პირველად ეს 2012 წელს ამერიკის ღია პირველობაზე მოახერხა, მეორედ - 2013 წელს იუმბლდონზე. ამასთან, ეს გახლდათ ბრიტანელი ჩოგბურთელის მესამე ტიტული მიმდინარე სეზონში და 38 - კარიერაში.მარეი ნახევარფინალურ შეხვედრაშიც სტაბილური იყო - ტომაშ ბერდიხი სამ სეტში ერთნაირი ანგარიშით, 6:3 დაამარცხა. ფინალში კი კანადელ მილან რაონიჩს შეხვდა, რომელმაც ნახევარფინალში სენსაცია "გამოაცხო" - ხუთსეტიან დაძაბულ ბრძოლაში სძლია როჯერ ფედერერს. სამი სეტის შემდეგ შვეიცარიელი იგებდა (2:1), თუმცა 25 წლის
როგორც ჩანს, კანადელმა მთელი ენერგია თუ ემოცია ნახევარფინალს შეალია, ფინალში კი გაცილებით უკეთ მარეი გამოიყურებოდა, რომელმაც არაერთი, ფაქტობრივად წაგებული გეიმი გადაარჩინა და საბოლოოდ 2:47 საათიან დაპირისპირებაში 3:0 იმარჯვა.
- ეს გახლავთ ჩემი საუკეთესო წუთები მიმდინარე სეზონში. იყო გამარჯვებები, წაგებები, მაგრამ უიმბლდონის მოგება სუპერგანსაკუთრებული მოვლენაა. ჩემს მეტოქეს საოცარი ნახევარფინალი ჰქონდა, ყოველ წელს უმატებს. სწორედ ასეთ ოპონენტთან გამარჯვებაა ერთი-ორად სასიხარულო. მადლობა ყველას, მათ შორის ჩემი ოჯახის წევრებს, რომლებიც ტრიბუნებიდან მხურვალედ მქომაგობდნენ, - აღნიშნა გახარებულმა მარეიმ.
ვაჟები
ერთეულები
1/2 ფინალი
ბერდიხი-მარეი 3:6, 3:6, 3:6
რაონიჩი-ფედერერი 3:6, 6:7, 4:6, 7:5, 6:3
ფინალი
რაონიჩი-მარეი 4:6, 6:7, 6:7
ქალები
წყვილები
ფინალი
უილიამსი/ვ.უილიამსი-ბაბოში/შვედოვა-ს 6:3, 6:4
ვაჟები
წყვილები
ფინალი
ჰერბერტი/მაო-ბენეტო/როჯერ-ვესელინი 6:4, 7:6, 6:3
ყოველდღიური სპორტული გაზეთი "ლელო"
