ოქსანა კალაშნიკოვა WTA-ს ტურნირს დაემშვიდობა. ჩვენებური პეკინში ასპარეზობდა (6,2 მილიონი დოლარი) ჩინეთის ღია პირველობაზე და მეწყვილე ლარა არუაბარენასთან ერთად მეოთხედფინალში იყო გასული, მაგრამ ქართულ-ესპანური დუეტი ტაივანელებმა გააჩერეს. კალაშნიკოვა და არუაბარენა მე-3 ნომრად განთესილ ჰაო-ჩინ ჩანთან და იუნ-იან ჩანთან დამარცხდნენ - 2:6, 0:6. ბრძოლამ სულ რაღაც 52 წუთი გასტანა.
მეოთხედფინალში გასვლისთვის მან 38 ათასი დოლარი და 215 სარეიტინგო ქულა მიიღო.
