ჩინეთის ქალაქ ტიანინში მიმდინარეობს WTA-ს ტურნირი (საპრიზო ფონდი 426,7 ათასი დოლარი), რომლის წყვილთა თანრიგშიც ძალზე წარმატებულად ასპარეზობს ოქსანა კალაშნიკოვა.ჩვენებური, რომელიც მსოფლიოს რეიტინგში (წყვილებში) 47-ე პოზიციაზეა, ესპანელ ბასკ ლარა არუაბარენას შეუწყვილდა. ეს დუეტი ტურნირზე მე-2 ნომრად არის განთესილი.
დღეს მეოთხედფინალური მატჩი გაიმართა, რომელშიც კალაშნიკოვამ და არუაბარენამ ორ სეტში მოუგეს მასპინძლებს, ქსინიუ გაოს და იინ ჟანგს - 6:4, 7:5.
ნახევარფინალში ქართულ-ესპანური წყვილი მე-4 ნომრად განთესილ შუაი პენგსა (ჩინეთი) და კრისტინა მაკჰეილს (აშშ) შეხვდება.
ოქსანამ ნახევარ
შეგახსენებთ, რომ წინა ტურნირიც ქართველისთვის ძალიან წარმატებული იყო - პეკინში მან (არუაბარენასთან ერთად) მეოთხედფინალში გააღწია და 215 სარეიტინგო ქულა და 19,3 ათასი დოლარი მიიღო.
