ერთეულთა თანრიგში საუკეთესოები გახდნენ რეიტინგის პირველი ნომრები - ენდი მარეი და ანჟელიკ კერბერი. დაჯილდოების ცერემონია 2017 წლის 6 ივნისს, პარიზში გაიმართება.2016 წლის ნოემბერში, მარეიმ კარიერაში პირველად მოიპოვა ლიდერობა რეიტინგში, ორი კვირის შემდეგ კი ნოვაკ ჯოკოვიჩი დაამარცხა წლის შემაჯამებელი ტურნირის ფინალში და შეინარჩუნა კლასიფიკაციაში პირველი ადგილი. გარდა ამისა, მან გაიმარჯვა უიმბლდონზე, რიოს ოლიმპიადაზე და ითამაშა როლან გაროსისა და ავსტრალიის ღიას ფინალებში.
კერბერმა 2016 წელს ავსტრალიისა და აშშ-ის ღია პირველობებზე გაიმარჯვა, აგრეთვე, უიმბლდონისა და რიოს ოლიმპიადის ფინალამდე მიაღწია. აშშ-ის ღიაზე გამარჯვების
საერთაშორისო ფედერაციამ წლის საუკეთესო წყვილებიც დაასახელა. კაცებში გაიმარჯვეს ბრიტანელმა ჯეიმი მარეიმ და ბრაზილიელმა ბრუნო სუარეშმა. მათ გასულ სეზონში მოიგეს ავსტრალიისა და აშშ-ის ღია პირველობები და წელი საუკეთესო დუეტის რანგში დაასრულეს.
ქალებს შორის, საუკეთესო წყვილია - კრისტინა მლადენოვიჩი და კაროლინ გარსია. ფრანგებმა 2016 წელს მოიგეს როლან გაროსი და აშშ-ის ღიას ფინალამდე მივიდნენ.
ყოველდღიური სპორტული გაზეთი "ლელო"
