საქართველო არ არის განებივრებული მაღალი რანგის ცხენოსნური ასპარეზობების მასპინძლობით. საერთაშორისო ფედერაციამ სპორტის ამ რაინდული სახეობის შემდგომი განვითარების მიზნით მსოფლიოს თასის გათამაშების ეტაპის ლიგა შექმნა და გამოყო კვოტა. ამ ეგიდით რამდენიმე ასპარეზობა ტარდება ყოველწლიურად კავკასიაშიც - ბაქოსა და თბილისში. მონაწილეები ქულებს აგროვებენ მსოფლიოს თასის ფინალურ ეტაპზე მოსახვედრად.კავკასის ლიგა 2009 წლიდან ტარდება და საკმაოდ პოპულარულიც გახდა. დაბრკოლებათა გადალახვაში (კონკური) საქართველოს, სომხეთისა და აზერბაიჯანის მხედრების ოსტატობის დონის ასამაღლებლად ეს ტურნირი ჯერჯერობით ყველაზე სოლიდურია კავკასიის რეგიონისთვის. წლეულს ეტაპს ბაქომ ხუთჯერ უმასპინძლა, თბილისმა -
წლევანდელ შეჯიბრებაში ერთი პოლონელი ცხენოსანი ქალიც მონაწილეობს - ალეხანდრა ლუსინა. ის თავისი მერნით არ ჩამოსულა თბილისში. ცხენები ბაქოდან ჩამოუყვანეს, მაგრამ შედეგი არც მხედარს და პოლონეთს ეთვლება და არც აზერბაიჯანს. პოლონელის სტიმული ასპარეზობა და სოლიდური საპრიზო ფონდიდან რაიმე წილის მიღებისთვის ბრძოლაა. ცხენის აზერბაიჯანელ მფლობელს კი თავისი მერნის შესაძლებლობების გამოცდაც სურს.
გუშინ შეჯიბრება დაიწყო დაბალი (120 სმ-მდე) წინაღობების გადალახვით, რაც ერთგვარი პრელუდია იყო ცხენ-მხედრებისთვის უფრო რთულ (150 სმ-მდე) კონკურში საასპარეზოდ.
დებულებით საპრიზოდ I-V ადგილები ითვლება. ქვემოთ ნახავთ, რომ მხედრებს უჯარიმოდ ან თანაბარი ჯარიმით აქვთ გავლილი დისტანცია. ამიტომ ადგილები განაწილდა იმის მიხედვით, ვინც ფინიში ნაკლებ დროში გაიარა.
წარმოგიდგენთ საპრიზო ხუთეულს.
კონკური #1. დაბალი კლასი: 1. ივანე ნორაკიძე, 2. ალეხანდრა ლუსინა (პოლონეთი), 3. ივანე ნორაკიძე (მეორე ცხენით), 4. გეორქ ოგანესიანი (სომხეთი), 5. გიორგი თოხაძე. ყველა მხედარმა შეჯიბრება უჯარიმოდ დაამთავრა.
კონკური #2. ძირითადი ცხენებით (დაბრკოლებების სიმაღლე 145 სმ-მდე): 1. შალვა გაჩეჩილაძე-0 საჯარიმო ქულა, 2. ლიხმედ მუსტაევი (აზერბაიჯანი)-4, 3. ლუსინა-4, 4. მუსაევი-4, 5. ლუსინა (მეორე ცხენით)-4. ადგილები აქაც ზემოხსენებული პრინციპით განაწილდა.
უკვე გართულებული პროგრამით შეჯიბრება დღეს გაგრძელდება და ხვალ დამთავრდება.
თორნიკე გაჩეჩილაძე
ყოველდღიური სპორტული გაზეთი "ლელო"
