კიდევ ერთი რუსი სპორტსმენი გახდა პრეპარატ მელდონიუმის მსხვერპლი. კერძოდ, დოპინგზე ჩავარდა ცურვაში მსოფლიოს ოთხგზის ჩემპიონი იულია ეფიმოვა. ეს სპორტსმენი 2014 წელს უკვე იყო დისკვალიფიცირებული დოპინგის გამოყენებისთვის. ასე რომ, ახლა მას სპორტიდან სამუდამო მოკვეთა ემუქრება.სამუდამო დისკვალიფიკაციის თავიდან არიდების ერთადერთი შანსია - დაამტკიცო, რომ პრეპარატი შემთხვევით მოხდა ორგანიზმში, მაგრამ ამის თავად რუსებსაც ნაკლებად სჯერათ. ასე რომ, რიოს ოლიმპიადის ერთ-ერთი ფავორიტის დაკარგვით რუსეთის ოლიმპიური ნაკრები თითქმის გარანტირებული მედლის გარეშე რჩება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
