შარშან ანტალიაში ძალოსანთა მსოფლიო ჩემპიონატზე ქართველმა ათლეტებმა 57 ქულა მოაგროვეს და ლონდონის 2012 წლის ოლიმპიადის 3 საგზურის მოსაპოვებლად მყარი საფუძველი შეიქმნეს. ნაკრების მთავარი მწვრთნელის - ვანო გრიქუროვის ხელმძღვანელობით ჩვენი ბიჭები იანვრიდან მონდომებით ემზადებიან 2011 წლის მსოფლიო პირველობისთვის, რომელსაც 5 ნოემბრიდან საფრანგეთის დედაქალაქი უმასპინძლებს. საქართველოს ნაკრები პარიზში ექვსი სპორტსმენით გაემგზავრება.
ჩვენებურთაგან პირველი ფიცარნაგზე 69 კილოგრამ წონით კატეგორიაში მოასპარეზე ქუთაისელი დებიუტანტი გიორგი ლომთაძე გავა, რომელიც 20-წლამდელთა წლევანდელი ევროპის პირველობის ვერცხლის მედალოსანია. იგი საპრიზო ადგილებისთვის 8 ნოემბერს იასპარეზებს.
11 ნოემბერს მოსინჯავს ძალებს 85
12 ნოემბერს 105 კილოში საქართველოს სპორტულ ღირსებას დაიცავენ წლევანდელი ევროპის ჩემპიონატის სამი ვერცხლის მფლობელი გია მაჭავარიანი (აჭარა) და ზუგდიდელი დებიუტანტი დავით გოგია, რომელმაც წლეულს 23-წლამდელების ევროპაზე ორჭიდში მეორე ადგილი დაიკავა.
13 ნოემბერს პლანეტის უმძიმეს ათლეტებს მეტოქეობას გაუწევენ ატაცში წლევანდელი ევროპის ჩემპიონატის მესამეადგილოსანი ირაკლი თურმანიძე (აჭარა) და 18 წლის საჩხერელი ლაშა ტალახაძე. შარშან მან ჭაბუკებსა და წლეულს კი ახალგაზრდებში 3-3 ოქროს მედალი მოიპოვა.
4 ნოემბერს პარიზში ძალოსნობის საერთაშორისო ფედერაციის კონგრესი გაიმართება, რომელსაც სამგზის ოლიმპიური ჩემპიონი კახი კახიაშვილი დაესწრება.
ყოველდღიური სპორტული გაზეთი "ლელო"
