ნორვეგიულ ფორდეში გამართულ ძალოსანთა ევროპის ჩემპიონატზე საქართველოს ნაკრებმა თითო ოქროს და ვერცხლის მედალი მოიპოვა. კონტინენტის ჩემპიონი ლაშა ტალახაძე (+105) გახდა, ვიცე-ჩემპიონი კი -ანასტასია გოტფრიდი (+75).მსოფლიოს ჩემპიონმა ტალახაძემ ფორდეში 6-ივე ცდა დამაჯერებლად შეასრულა და ჯამში 463 კგ (ატაცში 212 კგ, აკვრაში 251 კგ) დააფიქსირა. აღსანიშნავია, რომ ლაშამ ატაცში ევროპული რეკორდი დაამყარა.
იხილეთ ფოტოგალერეა
გოტფრიდი, რომელმაც 249 (113+136) კგ დაძლია, მხოლოდ 1 კგ-ით ჩამორჩა ჩემპიონს.
დღესვე გამოსვლა +105 კგ-ში მეშვიდე ადგილზე დაასრულა ირაკლი თურმანიძემ 410 კგ (190+220).
