ისან-სამგორი მედლებით გამდიდრდა

სავარაუდოდ, 2020 წელს სპორტის ოლიმპიურ სახეობებს კარატეც შეემატება. თუ ასე მოხდა, სიახლეს ქართული კარატე მომზადებული შეხვდება, რის გარანტიასაც ის თადარიგი იძლევა, რასაც აქედანვე იჭერენ ეროვნული ფედერაციის მესაჭეები. ამ დღეებში ფედერაციამ ბავშვთა და მოზარდთა შორის (500-მდე მონაწილე), სპორტკომპლექს ”მართვეში” სახელწოდებით ”ოლიმპიური გამოწვევა” საქართველოს ჩემპონატი ჩაატარა ქვეყნის პირველი ლედის სანდრა რულოვსის პატრონაჟით.

ყველაზე მეტი მონაწილით გამოვიდა თბილისის ისან-სამგორის კარატეს კლუბთა გაერთაიანება ”პატრიოტი” (პრეზიდენტი ზვიად ზვიადაური, ინსტრუქტორი ” გიორგი ქისტაური), ”ლიდერი” (პრეზიდენტი გიორგი ბოჭორიშვილი, ინსტრუქტორები, დავით ბასარია და სერგეი კულიანი) და ”დო” (პრეზიდენტი და შეფ-ინსტუტორი მამუკა კუზანაშვილი). სწორედ ამ კლუბებმა დაისაკუთრეს საბოლოო ჯამში 74 სხვადასხვა სინჯის მედალი, თუმცა აქედან უმეტესობა ოქრო-ვერცხლისაა. შემდეგშიც ჩატარდება მსგავსი და კიდევ უფრო მაღალი დონის შეჯიბრებები პირველი ლედის პატრონაჟით. აქვე უნდა აღინიშნოს, რომ ზოგმა მოზარდმა ორ-ორი საპრიზო ადგილი დაიკავა - WKF-ის და WSKF-ის წესებით ბრძოლაში.

კვარცხლბეკი. ავთანდილ არაბული I; ლიზი ზვიადაური I, I; დიმიტრი ყანჩაველი I, II; ალექსი ტყვაცარია I, II; სალომე ასაბაშვილი I; თორნიკე შაკაია I; ნიკა ჯიბღაშვილი I, I; ლუკა გლურჯიძე I, II; ვალერი ნადირაშვილი I; ირაკლი მაისურაძე I, III; ანასტასია ჭელიძე I, I; ლევან ოსაძე I; ნიკა ბერიძე I; ვალიკო გალდავა I; გიორგი მამულაშვილი I; გიორგი ბედუკაძე I, III; ბექა ხელაშვილი I; ირაკლი სიდონაშვილი I, II; ავთანდილ გიუნაშვილი I, II.

გიორგი სპანდერაშვილი II; ნიკა ქავთარაძე II; გურამ ზურაბაშვილი II, III; ნიკა ხვედელიძე II, III; რიმა სარქისიანი II; დიმიტრი ნანუაშვილი II; შალვა ნიკოლიშვილი II; მინდია კოტორაშვილი II; თენგო ქურთიაშვილი II; ქრისტინა შამუგია II; გოგა გოგრიჭიანი II; ვალერი სუმბაძე II; დაჩი ლაფერიშვილი II.

ნუგზარ ჭიაბერაშვილი
საქართველოს კარატეს ეროვნული ფედერაციის პრესმდივანი