კარატისტთა ნიუ იორკის (აშშ) ღია ჩემპიონატში ერთმანეთს საპრიზო ადგილებს 15 ქვეყნის წარმომადგენლები ეცილებოდნენ . კუმიტეში შესანიშნავად იასპარეზა დავით ტყებუჩავამ, რომელმაც 60 კილოგრამამდე წონით კატეგორიაში ყველა მეტოქეს სძლია და ოქროს მედალი მოიპოვა.
ჩვენმა სპორტსმენებმა წარმატებას მიაღწიეს გუნდურ პირველობაშიც: დავით ჯაფარიძემ, გიორგი მაჩაბელმა, ანტონ ჯღამაძემ, დავით ტყებუჩავამ და კაპიტონ ჯანაშიამ დაუმარცხებლად მიიყვანეს თავიანთი გუნდი ფინალამდე, იქ კი მასპინძელთა ნაკრებს სძლიეს და კვარცხლბეკის უმაღლეს საფეხურზე ავიდნენ.
ყოველდღიური სპორტული გაზეთი "ლელო"
