ბრიტანელმა სუპერმძიმეწონოსანმა დევიდ ჰეიმ უკრაინელ ვლადიმერ კლიჩკოსთან ბრძოლისთვის დანიშნული ამერიკელი რეფერის ხენარო როდრიგესის შეცვლა მოითხოვა, - წერს გაზეთი "სანი". ჰეისა და მის გუნდს აწუხებს ის ფაქტი, რომ ადრე როდრიგესი ოთხჯერ მსაჯობდა კლიჩკოს ბრძოლებს. არ დაზუსტებულა აქვს თუ არა ბრიტანელ ჩემპიონს რეფერის შეცვლის შესაძლებლობა.პირველად როდრიგესმა კლიჩკოს ბრძოლა 2001 წლის მარტში იმსაჯა, როცა უკრაინელმა ნოკაუტით მოუგო ამერიკელ დერიკ ჯეფერსონს. ერთი წლის შემდეგ ამერიკელმა რეფერიმ განსაჯა კლიჩკოსა და სამხრეთაფრიკელი ფრანსუა ბოთას ჩხუბი და უკრაინელის ტექნიკური ნოკაუტით გამარჯვება დააფიქსირა მერვე რაუნდში.
2003 წლის
კლიჩკოსა და ჰეის ბრძოლა 2 ივლისს ჰამბურგში გაიმართება. უკრაინელი IBF-სა და WBO-ის ტიტულებს დაიცავს, ბრიტანელი - WBA-ის ტიტულს.
ყოველდღიური სპორტული გაზეთი "ლელო"
