სუპერმძიმე წონაში სამი ვერსიით მსოფლიოს ჩემპიონი, 35 წლის უკრაინელი ვლადიმერ კლიჩკო წელს კიდევ ერთი ბრძოლის ჩატარებას აპირებს. ეს ინფორმაცია ჟურნალისტებს ძმები კლიჩკოების მენეჯერმა ბერნდ ბენტემ მიაწოდა.2011 წელს უმცროსმა კლიჩკომ მხოლოდ ერთი ბრძოლა ჩაატარა - მსაჯების ერთულოვანი გადაწყვეტილებით მოუგო 30 წლის ბრიტანელ დევიდ ჰეის.
გერმანულ ტელეარხ RTL-ს, რომელიც ძმები კლიჩკოების პარტნიორია, მომავალი ბრძოლისთვის ოთხი თარიღი აქვს თავისუფალი - 19 ნოემბერი, 3, 10 და 17 დეკემბერი. "ის ბრძოლას ნოემბერში ან დეკემბერში ჩაატარებს, - ამბობს ბენტე. - უკვე განვიხილავთ რამდენიმე მოწინააღმდეგის ვარიანტს".
ამერიკულმა ტელეარხმა HBO-მ ლეგენდარული ამერიკელის მაიკ ტაისონის ბავშვობასა და კარიერის ადრეულ წლებზე სერიალის შექმნა გადაწყვიტა. ტელეკომპანია უკვე შეუდგა საცდელი სერიას გადაღებას.
ახალი პროექტის გუნდში შევიდნენ: თავად მაიკ ტაისონი, ცნობილი რეჟისორი სპაიკ ლი, სცენარისტი ჯონ რიდლი, სერიალ Entourage-ის შემქმნელი დაგ ელინი და პროდუსერი ჯიმ ლეფკოვიცი. სერიალს ნიუ ჯერსის შტატის ქალაქ ნიუარკში გადაიღებენ.
ყოველდღიური სპორტული გაზეთი "ლელო"
