როგორც ვებგვერდი Fightnews.com იუწყება, უახლოეს დღეებში ოფიციალურად უნდა გამოცხადდეს ბრძოლის შესახებ, რომელშიც ერთმანეთს შეხვდებიან ნახევრადსაშუალო წონაში WBC-ის ვერსიით ჩემპიონი, 34 წლის ამერიკელი ფლოიდ მეივეზერი და პირველ საშუალო წონაში WBA-ის ჩემპიონი, 31 წლის პუერტორიკოელი მიგელ კოტო.ბოლო პერიოდი კოტო თავისუფალი აგენტია და არანაირი საკონტრაქტო ვალდებულებები არ გააჩნია - მას შეუძლია ერთჯერადი კონტრაქტი გააფორმოს ნებისმიერ პრომოუტერულ კომპანიასთან.
იტყობინებიან, რომ პრომოუტერულმა კომპანიამ Golden Boy-მ, რომელიც მეივეზერთან თანამშრომლობს, კოტოს მაცდური წინადადებით მიმართა მას შემდეგ, რაც ვერ შეძლო ფლოიდსა და მენი პაკიაოს შორის ბრძოლის ორგანიზება.
ყოველდღიური სპორტული გაზეთი "ლელო"
