მსოფლიოს კრივის ლეგენდას მაიკ ტაისონს WWE-ის (რესტლინგის უმსხვილესი ასოციაცია) დიდების დარბაზში შეიყვანენ. ოფიციალური ცერემონია 31 მარტს, მაიამიში გაიმართება. წინა დღეს, ამერიკული ფეხბურთის კლუბ "მაიამი დოლფინსის" არენაზე შედგება სახელგანთქმული შოუ - WrestleMania.
"ჩემთვის ეს დიდი პატივია, - ამბობს ტაისონი სააგენტო AP-თან კომენტარში. - სუპერმძიმეწონაში ყველაზე ახალგაზრდა ჩემპიონი ვიყავი. მაგრამ უნდა ვაღიარო, რომ საინტერესო და სახალისო იქნებოდა WWE-ს ტურნირებში მონაწილეობის მიღება".
პირველად ტაისონი WrestleMania-ს შოუში 1998 წელს გამოჩნდა. მაშინ ის დისკვალიფიცირებული იყო ევანდერ ჰოლიფილდისთვის ყურის მოჭმის გამო. შოუზე სტუმრად მყოფ ტაისონს იქვე
მათ შორის მაშინ კინაღამ ჩხუბი ატყდა. მებრძოლის რანგში ტაისონი რესტლინგის რინგზე 2010 წლის იანვარში გამოჩნდა და გამარჯვება მოიპოვა.
შეგახსენებთ, რომ ზაფხულში "რკინის მაიკი" კრივის საერთაშორისო დიდების დარბაზში შეიყვანეს.
ყოველდღიური სპორტული გაზეთი "ლელო"
