ნახევრადსაშუალო წონაში (66.7 კგ) WBC-ის ვერსიით მსოფლიოს ჩემპიონი, ამერიკელი ფლოიდ მეივეზერი მორიგ ბრძოლას პირველ საშუალო წონაში (69.8 კგ) WBA-ის ვერსიით ჩემპიონთან, პუერტორიკოელ მიგელ კოტოსთან გამართავს. შეხვედრა, რომელშიც კოტოს კუთვნილი საჩემპიონო ქამარი გათამაშდება, 5 მაისს ლას ვეგასში ჩატარდება.31 წლის კოტო მეხუთე მოკრივეა, ვისაც რინგზე თანამედროვეობის ორ საუკეთესო მებრძოლთან მოუწია დაპირისპირება.
2009 წლის ნოემბერში მან მე-12 რაუნდში ტექნიკური ნოკაუტით წააგო ფილიპინელ მენი პაკიაოსთან. ახლა, მას არანაკლებ მნიშვნელოვანი ბრძოლა ელის პროფესიულ რინგზე დაუმარცხებელ მეივეზერთან.
ფლოიდ მეივეზერი: "მიგელ კოტო - უმაღლესი დონის მოკრივეა,
მიგელ კოტო: "მე აქ იმისთვის ვარ, თანამედროვე კრივის საუკეთესო წარმომადგენლებს ვეჩხუბო. არც ერთ მეტოქესთან ბრძოლისთვის თავი არ ამირიდებია. ყველა გამოწვევას ვიღებდი, რათა ჩემი თაყვანისმცემლებისთვის მიმეცა ის, რაც მათ მოსწონთ - სანახაობრივი ბრძოლები. 5 მაისს მე დამაჯერებლად დავამარცხებ ფლოიდ მეივეზერს".
ყოველდღიური სპორტული გაზეთი "ლელო"
