გუშინ, ამერიკის ქალაქ ტამპაში 90 წლის ასაკში გარდაიცვალა ლეგენდარული მწვრთნელი ანჯელო დანდი. ბევრი მას იცნობს, როგორც დიადი მოჰამედ ალის მწვრთნელს, მაგრამ თავის კარიერაში, რომელიც დაახლოებით 60 წელი გრძელდებოდა, დანდიმ ბევრი მოკრივე გაწვრთნა, მათ შორის მსოფლიოს 15 ჩემპიონი: შუგარ რეი ლეონარდი, ხოსე ნაპოლესი, ჯორჯ ფორმენი, ჯიმი ელისი, კარმენ ბაზილიო, ლუის როდრიგესი, ვილი პასტრანო და სხვები.
დანდი მძიმედ იყო ავად, მაგრამ მოასწრო გასულ თვეში ალის 70 წლის იუბილეზე დასწრება.
ანჯელო დანდი 1921 წლის 30 აგვისტოს ფილადელფიაში დაიბადა და კრივის სამყაროში თავისი უფროსი
1950 წელს კრის დანდიმ ფლორიდაში გახსნა დარბაზი - Fifth Street Gym, სადაც ანჯელომ მწვრთნელად მუშაობა დაიწყო. სწორედ აქ აღზარდა მან თავისი სახელოვანი შეგირდები. 90-წლიანი იუბილეს წინ დანდიმ ერთ-ერთ ინტერვიუში განაცხადა, რომ ის დღემდე ავარჯიშებს ბავშვებს და ხშირად იწვევენ ექსპერტის რანგში.
ყოველდღიური სპორტული გაზეთი "ლელო"
