უკრაინელი ძმების - ვიტალი და ვლადიმერ კლიჩკოების მენეჯერმა ბერნდ ბენტემ მიუნხენში გამართულ პრესკონფერენციაზე განაცხადა, რომ სუპერმძიმე წონაში WBC-ის ჩემპიონის ვიტალი კლიჩკოსა და ორ წონით კატეგორიაში მსოფლიოს ყოფილი ჩემპონის, ბრიტანელი დევიდ ჰეის ბრძოლა, როგორც ჩანს, არ გაიმართება."ჰეიმ უარყო ჩვენი წინადადება, - ამბობს ბენტე. - არ მგონია, რომ ის ვიტალის შემდეგი მეტოქე გახდეს".
შეგახსენებთ, რომ ადრე ბენტე მოლაპარაკებების ჩიხში შესვლას დევიდ ჰეის გუნდის გადამეტებულ მოთხოვნებს აბრალებდა.
სხვათა შორის ჰეი ერთ-ერთი კომენტატორი იქნება ვიტალი კლიჩკოსა და დერეკ ჩისორას ბრძოლისას, რომელიც თებერვალში გაიმართება.
