ცნობილი ამერიკელი პრომოუტერი ბობ არუმი ვარაუდობს, რომ წონის გაუთვალისწინებლად მსოფლიოს ორი უძლიერესი მოკრივის - მენი პაკიაოსა და ფლოიდ მეივეზერის ბრძოლა, სავარაუდოდ, 2012 წელს არ გაიმართება. ის, ვინც მოუთმენლად ელის "საუკუნის ბრძოლად" შერაცხულ დაპირისპირებას, საკუთარი იმედები მომავალი წლისთვის უნდა გადადოს. "რეალურად უნდა შევხედოთ შექმნილ სიტუაციას, - ამბობს არუმი BoxingScene.com-თან კომენტარში. - არ მგონია, რომ მეივეზერმა მოისურვოს შემოდგომაზე პაკიაოსთან შეხვედრა.
დღეს ის ამის შესახებ არაფერს ლაპარაკობს. ვფიქრობ, იმედი უნდა გვქონდეს ბრძოლის მომავალ წელს ჩატარებაზე".
ხუთ მაისს მეივეზერი შეხვდება პირველ საშუალო წონაში WBA-ის
ამჟამად, არუმი ხუან მანუელ მარკესსა და ბრენდონ რიოსს შორის ბრძოლის ორგანიზებით არის დაკავებული და ამ შეხვედრაში გამარჯვებული ნოემბერში პაკიაოს დაუპირისპირდება. "ჯერერთი, მენის რთული ბრძოლა ელის ბრედლისთან, - აცხადებს პრომოუტერი. - გარდა ამისა, ყველა დამეთანხმება, რომ ხუან მანუელ მარკესი იმსახურებს კიდევ ერთ ბრძოლას პაკიაოსთან. ამიტომაც, სწორედ ეს არის ის ვარიანტი, რომელზეც კონცენტრაციას მოვახდენთ".
ყოველდღიური სპორტული გაზეთი "ლელო"
