ოფიციალურად დადასტურდა საჩემპიონო ორთაბრძოლა სუპერმძიმე წონით კატეგორიაში. WBA-ს, IBF-ისა და WBO-ს ვერსიებით, მსოფლიოს ჩემპიონი, უკრაინელი ვლადიმერ კლიჩკო ტიტულის მორიგ დაცვას ამერიკელი ტონი ტომპსონის წინააღმდეგ ჩაატარებს. ბრძოლა 7 ივლისს შვეიცარიის ქალაქ ბერნში გაიმართება.
40 წლის ტომპსონი, მეტსახელად "ვეფხვი", IBF-ის ვერსიით გახლავთ ოფიციალური პრეტენდენტი. მის აქტივშია 36 გამარჯვება (24 - ნოკაუტით) და ორი წაგება.
აღსანიშნავია, რომ ეს არის ამ მოკრივეთა მეორე შეხვედრა. 2008 წელს ამერიკელი WBO-ს აუცილებელი პრეტენდენტი იყო და უმცროს კლიჩკოსთან მე-11 რაუნდში დამარცხდა, მაგრამ შემდეგ ზედიზედ ხუთი ბრძოლა მოიგო.
"ტომპსონი
მიხარია ბერნის არენაზე გასვლა, სადაც 2009 წელს ჩემი ძმა ჩხუბობდა და შვეიცარიული პუბლიკისგან დიდი მხარდაჭერაც იგრძნო", - განაცხადა ვლადიმერ კლიჩკომ.
ყოველდღიური სპორტული გაზეთი "ლელო"
