დონეცკის სასპორტო კომპლექს "სპორტმაქსის" რინგზე პროფესიონალ მოკრივეთა 9 საერთაშორისო სარეიტინგო ორთაბრძოლა გაიმართა. ოთხ პაექრობაში საქართველოს წარმომადგენლებიც მონაწილეობდნენ. სხვებზე უკეთ ვარიანელმა შალვა ჯომარდაშვილმა იასპარეზა. უკრაინაში გამგზავრებამდე ქართველმა მოკრივემ პროფესიულ რინგზე 37 შეხვედრიდან 32 მოიგო (მათ შორის - 24 ნოკაუტით), 4 წააგო და ერთადერთი ორთაბრძოლა დაამთავრა ფრედ. მისმა კრამატორსკელმა (უკრაინა) მეტოქემ არტიომ რედკომ 24-დან 20 შეხვედრა მოიგო, ორი დათმო და ამდენივე ფრედ დაასრულა.
თანამემამულეთა აქტიური მხარდაჭერით შეგულიანებული რედკო ვერაფერს გახდა - რვარაუნდიანი პაექრობა უშედეგოდ დასრულდა.
სამწუხაროდ, ჩვენებურთაგან დანარჩენები დამარცხდნენ. ახალციხელმა მერაბ შანთაძემ
ქულებით დათმეს პაექრობები თბილისელმა ლევან ღარიბაშვილმა (9 მოგება, 11 მარცხი, 2 ფრე) დონეცკელ არტიომ დალაქიანთან (2, 0, 0) და ბორჯომელმა მიხეილ ავაქიანმა (14, 5, 1) მასპინძელ სტანისლავ მერდოვთან (32, 8, 0).
ყოველდღიური სპორტული გაზეთი "ლელო"
