მძიმე წონით კატეგორიაში მსოფლიოს ყოფილი აბსოლუტური ჩემპიონი ევანდერ ჰოლიფილდი შესაძლოა თავისი 18 წლის ქალიშვილისთვის, ემანისთვის, ალიმენტის გადაუხდელობის გამო დააპატიმრონ. ჰოლიფილდის ვალი 372 ათას დოლარს შეადგენს.სოციალურმა სამსახურებმა ემანი ჰოლიფილდის სახელით სასამართლოს უკვე მიმართეს და მოკრივის დაპატიმრება და ვალის გადასახდელად აუცილებელი თანხის ამოღება მოითხოვეს.
აღსანიშნავია, რომ 49 წლის ამერიკელს იმ თანხიდან, რომლის გადახდაც სასამართლომ 2010 წლის აპრილში დააკისრა, ცენტიც არ გადაუხდია.
