ბულგარეთის დედაქალაქ სოფიაში 30 ივნისს დასრულდება ჭაბუკ მოკრივეთა ევროპის პირველობა, რომელშიც საქართველოს 10 წარმომადგენელი მონაწილეობდა მთავარი მწვრთნელის კუკური შავგულიძის ხელმძღვანელობით. ჩვენებურთაგან მხოლოდ ორმა სპორტსმენმა გააღწია ნახევარფინალში, სადაც მასპინძლებს დაუპირისპირდნენ. 63 კილოგრამ წონით კატეგორიაში
ნუკრი ადამია ზდრავკო პოპოვთან დამარცხდა ექვსი ქულით - 10:16.
70 კილოში რატი ტლაშაძე გამოდიოდა. სამწუხაროდ, ფინალში გასვლა ვერც მან მოახერხა - ივაილო ივანოვთან 12:16 წააგო და, ნუკრი ადამიას მსგავსად, ბრინჯაოს მედალს დასჯერდა.
ყოველდღიური სპორტული გაზეთი "ლელო"
