გერმანულმა ტაბლოიდმა Bild-მა გამოაქვეყნა პატარა სტატია სახელწოდებით - "კლიჩკოების კლანის ბოლო დიდი გეგმა".გაზეთის ინფორმაციით, ძმები თავიანთი მორიგი ბრძოლების ორგანიზებას ისე აპირებენ, რომ WBC-ის ჩემპიონის, ვიტალი კლიჩკოს კარიერის დასრულების შემდეგ მისი ტიტული უმცროს კლიჩკოს - ვლადიმერს დარჩეს, რომელიც, თავის მხრივ, ოთხი ვერსიით (WBA/WBO/IBF/IBO) არის მსოფლიოს ჩემპიონი.
გერმანელ მანუელ ჩართან სექტემბერში დაგეგმილი ბრძოლის შემდეგ ვიტალის სურვილია, კარიერაში გამოსათხოვარი ბრძოლა ბრიტანელი დევიდ ჰეის წინააღმდეგ ჩაატაროს. იმ შეხვედრაში გამარჯვების შემდეგ ვიტალი გაანთავისუფლებს WBC-ის ტიტულს.
ამის შემდეგ ვლადიმერი მოიპოვებს WBC-ის ვაკანტური საჩემპიონო ქამრის დაუფლების
აბსოლუტური ჩემპიონის "შექმნა", სავარაუდოდ, გამოაცოცხლებს სიტუაციას სუპერმძიმე წონაში და გაზრდის ვლადიმერ კლიჩკოს ბრძოლებისადმი ინტერესს.
სტატისტიკის მიხედვით, უმცროსი კლიჩკოს ბოლო სამ ბრძოლაში მაყურებელთა რაოდენობა შემდეგნაირად იკლებდა: კლიჩკო-ჰეი: 15 მილიონი, კლიჩკო-მორმეკი: 12 მილიონი, კლიჩკო-ტომპსონი: 8 მილიონი.
ყოველდღიური სპორტული გაზეთი "ლელო"
