ამერიკელმა მოკრივემ ტიმოტი ბრედლიმ განმეორებით ბრძოლაში გამოიწვია ფილიპინელი მენი პაკიაო. შეგახსენებთ, რომ 2012 წლის ივნისში ტიმოტიმ 66 კილოგრამამდე წონით კატეგორიაში WBO-ს საჩემპიონო ქამარი ჩამოართვა აზიელ მოკრივეს.
ბრედლიმ განაცხადა, რომ პაკიაოს ეშინია მისი, რადგან გამარჯვება არ შეუძლია. ამერიკელი მოკრივის თქმით, მენის გუნდი აჭიანურებს განმეორებით ბრძოლაზე გადაწყვეტილების მიღებას.
როგორც ინტერნეტ-გამოცემა Boxingnews24 იტყობინება, პაკიაო თავის მორიგ ბრძოლას 2012 წლის 10 ნოემბრისთვის გეგმავს. სახელდება სამი პრეტენდენტი: ბრედლი, პუერტორიკოელი მიგელ კოტო და მექსიკელი ხუან მანუელ მარკესი. ამ უკანასკნელს ფილიპინელი სამჯერ შეხვედრია, კოტოს - ერთხელ.
ბრედლის
28 წლის ბრედლის პროფესიულ რინგზე 29 გამარჯვება აქვს მოპოვებული 30 ბრძოლიდან. ერთ შეხვედრა გაუქმებულად გამოცხადდა.
33 წლის პაკიაომ 60 ბრძოლის გამართვა მოასწრო: მოიგო 54 (38 - ნოკაუტით), წააგო ოთხი და ორი ფრედ დაასრულა.
ყოველდღიური სპორტული გაზეთი "ლელო"
