მექსიკელი მოკრივის, ხულიო სესარ ჩავესის ორგანიზმში მარიხუანას კვალი აღმოაჩინეს. დადებითი შედეგი აჩვენა დოპინგ-ტესტმა, რომელიც მექსიკელისა და არგენტინელი სერხიო მარტინესის ბრძოლის შემდეგ აიღეს.15 სექტემბერს ლას ვეგასში ჩავესი WBC-ის ვერსიით საჩემპიონო ტიტულს იცავდა. მარტინესთან ბრძოლა 12 რაუნდი გაგრძელდა და გამარჯვებულად არგენტინელი გამოცხადდა – 117:110, 118:109, 118:109.
დოპინგ-ტესტის შემდეგ ჩავესს საკრივო ლიცენზიის ჩამორთმევა ემუქრება. გარდა ამისა, 26 წლის მექსიკელმა, შესაძლოა, ის სამი მილიონიც დაკარგოს, რომელიც მან მარტინესთან ჩხუბისთვის მიიღო.
ეს პირველი შემთხვევა არ არის, როცა ჩავესმა დოპინგ-ტესტი ჩააგდო. 2009 წლის ნოემბერში, მორიგი
მარტინესთან მარცხი პირველი იყო ჩავესის კარიერაში. ადრე მან 46 ბრძოლა მოიგო, მათ შორის 32 ნოკაუტით.
(იბეჭდება მცირე ცვლილებით)
ყოველდღიური სპორტული გაზეთი "ლელო"
