სუპერმძიმე წონაში ყოფილი მსოფლიოს ჩემპიონი WBO-ს ვერსიით, კორი სანდერსი, რომელიც რესტორანზე შეიარაღებული თავდასხმის დროს დაიღუპა, მომაკვდინებელი ჭრილობის მიღების მომენტში საკუთარ ქალიშვილს სხეულით ფარავდა.22 სექტემბერს, საღამოს, 46 წლის სანდერსი სამხრეთაფრიკული ქალაქის, პრეტორიას რესტორანში ოჯახთან ერთად იმყოფებოდა. სამი მამაკაცი რესტორანში შევარდა და უმისამართო სროლა ატეხა. შედეგად ყოფილი მოკრივე მუცლის არეში დაიჭრა, მაშინ, როდესაც ტყვიისგან ქალიშვილს სხეულით იცავდა.
ყოფილი ჩემპიონი ადგილობრივ საავადმყოფოში გადაიყვანეს, სადაც სასწრაფო ოპერაცია ჩაუტარდა, მაგრამ მეორე დღეს, დილით, მიღებული ჭრილობებისგან გარდაიცვალა.
სანდერსი იყო მსოფლიოს ჩემპიონი WBO-სა და WBU-ს ვერსიებით
სანდერსმა მსოფლიოს სენსაცია 2003 წელს აჩუქა, როდესაც ამ დროისთვის მსოფლიოს ჩემპიონი WBA-ს, WBO-ს, IBF-ის და IBO-ს ვერსიებით, ვლადიმირ კლიჩკო დაამარცხა. სამხრეთაფრიკელმა მძიმეწონოსანმა, რომელიც განსაკუთრებულ ტექნიკას არ ფლობდა და ბრძოლაში აუტსაიდერად მიიჩნეოდა, უკრაინელი დაანოკაუტა.
სხვათა შორის, სანდერსისგან ძლეულმა უკრაინელმა მოკრივემ ტრაგედიის გამო მწუხარება ერთ-ერთმა პირველმა გამოთქვა.
