მრავალი შეზღუდვის მიუხედავად, უკრაინელი სუპერმძიმეწონოსანი, სამი ვერსიით მსოფლიოს ჩემპიონი ვლადიმერ კლიჩკო მაინც აპირებს რიო დე ჟანეიროს ოლიმპიურ თამაშებზე გამოსვლას.უმცროსმა კლიჩკომ ჯერ კიდევ შარშან განაცხადა, რომ 2016 წლის ოლიმპიადაზე ოქროს მედლის მოპოვება სურს, მაგრამ სულ მალე, გერმანიის კრივის ფედერაციის პრეზიდენტმა იურგენ კიასმა ჩააცხრო უკრაინელის მონდომება. მისი თქმით, კლიჩკოს არ შეუძლია ოლიმპიადაზე გამოსვლა, პირველ რიგში, პროფესიულ დონეზე ბრძოლების რიცხვის შეზღუდვის გამო. რაოდენობა არ უნდა აღემატებოდეს 15-ს, ვლადიმერის ანგარიშზე კი უკვე 62 შეხვედრაა.
და მაინც, კლიჩკოს ჯერ არ გადაუფიქრებია რიოში გამოსვლა. ის
"ვოცნებობ რიო-დე-ჟანეიროში გამოსვლასა და იქ გამარჯვებაზე. ეს იყო ჩემი და აწ უკვე გარდაცვლილი მწვრთნელის ემანუელ სტიუარდის ერთობლივი ოცნება. იმედია, ამ ოცნების ასრულების საშუალება მექნება", - განაცხადა ვლადიმერმა.
შეგახსენებთ, რომ თავის მორიგ ორთაბრძოლას უმცროსი კლიჩკო იტალიელი ფრანჩესკო პიანეტას წინააღმდეგ ჩაატარებს.
მარკესი არ მიდის და ტიტულს უმიზნებს
მექსიკელმა ხუან მანუელ მარკესმა კარიერის გაგრძელება გადაწყვიტა და უკვე გაარკვია თავისი მორიგი მეტოქის ვინაობა. 39 წლის ვეტერანი 14 სექტემბერს, ლას ვეგასში შეხვდება ნახევრადსაშუალო წონაში WBO-ის ჩემპიონს, ამერიკელ ტიმოტი ბრედლის.
"ოჯახთან კონსულტაციის შემდეგ, კარიერის გაგრძელების გადაწყვეტილება მივიღე. ეს იმით არის განპირობებული, რომ თავს ჯერ ისევ შესანიშნავად ვგრძნობ, - აღიარებს მარკესი. - ჩემი აზრით, კარიერის დასრულებამდე შევძლებ კიდევ ორი-სამი ბრძოლის ჩატარებას".
"14 სექტემბერის ბრძოლისთვის ორ კანდიდატურას განვიხილავდით - ტიმოტი ბრედლისა და მაიკ ალვარადოს, - აგრძელებს მარკესი. - მოხარული ვარ ახალი გამოწვევის მიღებით. ბრედლისთან ბრძოლა იოლი გასეირნება არ იქნება. ჩემთვის დიდი პატივია შანსი - გავხდე მსოფლიოს ჩემპიონი მეხუთე წონით კატეგორიაში".
ყოველდღიური სპორტული გაზეთი "ლელო"
ასევე იხილეთ:
ვლადიმერ კლიჩკოს და ჰაიდენ პანეტიერის საიდუმლო ნიშნობა
